Lehiaketan parte hartzen ahalko dute, Nafarroako Foru Komunitateko ikastetxeen bitartez, 2024-2025 ikasturtean Nafarroako Foruzaingoko Bide Hezkuntzako Taldearen bisita jaso duten Lehen Hezkuntzako 2., 4. eta 6. mailetako ikasleek.

Nafarroako Foruzaingoko Bide Hezkuntzako Taldeak eta Barne Zuzendaritza Nagusiko Trafiko Zerbitzuak sustatu dute “Bide-segurtasuneko Hezkuntzari buruzko Marrazki eta Mikroipuinen II. Lehiaketa”. Lehiaketa horren bidez, Lehen Hezkuntzako ikasleek trafiko arauak ikasi eta bete ditzaten bultzatu nahi dute, bai eta sentsibilizatu eta kontzientziatu daitezen istripuen prebentzioan eta balioen sustapenean , hala nola erantzukizuna, elkartasuna eta errespetua ibilgailuak gidatzean.

Deialdiaren oinarriak.

Kategoriak

• Lehen Hezkuntzako 2. mailako ikasleak - marrazki formatua
• Lehen Hezkuntzako 4. mailako ikasleak - marrazki formatua
• Lehen Hezkuntzako 6. mailako ikasleak - mikroipuin formatua (gaztelaniazko edo euskarazko modalitatean)

Sariak

• Kategoria bakoitzean bi lan sarituko dira.
• “Lehen Hezkuntzako 6. maila” kategorian, hizkuntzaren arabera bi modalitate dituena (gaztelania edo euskara), gaztelaniaz idatzitako mikroipuin bat eta euskaraz idatzitako beste bat sarituko dira.
• Ikasle saritu bakoitzak bizikleta bat jasoko du, bai eta kasko bat ere, eta diploma bat.
• Halaber, ikasle sarituak izan dituzten ikastetxeek aitorpen diploma bat jasoko dute.

Ikastetxe bakoitzak entrega bakarra aurkeztuko du. Hauek sartuko ditu:

• Ikastetxearen harremanetarako datuak jasotzen dituen agiri bat, ikastetxeko ordezkariak sinatua (I. eranskineko eredua).
• Mailaka multzokatutako (Lehen Hezkuntzako 2., 4. edo 6. maila) lanak, behar bezala pseudonimizatuta (zenbakituta eta egilea edo haren ikastetxe edo gela identifikatzeko aukera ematen duen erreferentziarik gabe).

Sarien banaketa kudeatzeko, saritutako ikasleen aitak, amak edo legezko tutoreak II. eraskineko agiria bete behar du.

14307E/2024 Ebazpena, deialdia eta haren oinarri arautzaileak onesten dituena