Etxebizitza babestuak saldu eta alokatzeko gehieneko prezioak eta babes-araubidearen iraupena kalkulatzea

Orrialde honetan jakin dezakezu zein prezio eta epe errespetatu behar diren etxebizitza babestu bat saldu edo alokatu nahi baduzu

Epea zabalik

Tramite honetara harpidetu

Oinarrizko informazioa

Saltzeko eta alokatzeko gehieneko prezioak

Prezioak metro koadro erabilgarri bakoitzeko ezartzen dira. Horrenbestez, etxebizitzaren prezioa kalkulatzeko, eragiketa hau egin behar duzu: metro koadroaren balioa bider etxebizitzak dituen metro koadro erabilgarriak. Erreferentziatzat hartu behar dituzu etxebizitza saldu edo alokatzen den urterako finkatu diren prezioak.

Kontsultatu etxebizitza babestuak saldu eta alokatzeko gehieneko prezioak


Babes-araubidearen iraupena

Etxebizitza babestuek babes-araubidea dute, eta araubide horrek dirauen bitartean, saltzeko eta alokatzeko ezarritako gehieneko prezioak errespetatu behar dira.

Behin-behineko kalifikazioa 2022ko uztailaren 15etik aurrera lortu duten etxebizitzetan, babes-araubidearen iraupena mugagabea da.

Aurretik kalifikatutako etxebizitzetan, iraupena aldatu egiten da kalifikatu ziren urtearen arabera, baina, oro har, honako hau da:

  • 30 urte, jabetzako etxebizitza edo erosteko aukerarekin alokatutako etxebizitzetarako.
  • 15 urte, alokairuko etxebizitzetarako.
  • Mugagabea, erabilera-lagapeneko etxebizitzetarako edo, hala badagokio, azalera-eskubidearen iraupena bukatu arte, betiere gutxienez ere 50 urtekoa bada.


Laguntzak itzuli beharrik gabe etxebizitza saldu eta alokatzeko epea

Etxebizitza bat saldu edo alokatu ahal izateko eta laguntzak itzuli behar ez izateko, gutxienez 10 urte igaro behar dira behin betiko kalifikaziotik.

Tramitazioa

Jarraibideak:

Aplikazioak honako hauek ezagutzeko aukera ematen du:

  • Zein den etxebizitza, garajea eta eranskinak saldu eta alokatzeko gehieneko prezioa.
  • Noiz bukatzen den etxebizitzaren babes-araubidea (bukatu egiten bada); hortik aurrera, etxebizitza librea bilakatzen da. 
  • Noiz saldu edo alokatu dezakezun etxebizitza, hura erosteagatik jaso dituzun laguntzak itzuli behar izan gabe.

Horretarako, etxebizitza sartuta dagoen sustapenaren espediente-zenbakia idatzi behar duzu. Etxebizitzaren salerosketa-eskrituran daukazu datu hori. Adibidez: 31/1-0060/11 edo 31/T-0002/12.

Kontsultatu
Harremanetan jartzeko

Etxebizitza Zerbitzua
 Alhóndiga kalea, 1, 1go solairua
31002 Iruña
Telefonoa: 848 427 570
Helbide elektronikoa: vivienda@navarra.es 

Oharra: orrialde honen edukia informazio hutsa da; baldintzak dagokion araudian argitaratutakoak dira.