Kirol-monitore edo -entrenatzaile, epaile eta arbitro izateko prestakuntza-ikastaroetan parte hartzen duten pertsona fisikoak

Zenbatekoa:

Laguntzen zenbatekoa, guztira, 26.000 eurokoa da. Dagokion partidan aurrekonturik badago, aurreikusitako gastua gehienez 50.000 euro handitu ahal izango da.

Helburuak:

Banakako ebaluazio-araubideko laguntzak, kuotak eragindako gastuak eta prestakuntza-ikastaroetan matrikulatzeko/izena emateko edo beste eskubide batzuk partzialki konpentsatzeko:

• Kirol-modalitate bateko I., II. edo III. mailako kirol-monitorearen edo kirol-entrenatzailearen diploma lortzea, kirol-federazioek sustatuta, ECD/158/2014 Aginduaren arabera.
• Epaile edo arbitroen titulazioa, maila guztietan: Kirol Kontseilu Gorenak onartutako modalitateetako kirol-federazioek sustatuak. Atal honetan 100 euroko edo gehiagoko matrikula/izen-ematea duten eskabideak bakarrik onartuko dira.

Prozeduraren urratsak:

• Eskabideen ebazpena Nafarroako Kirolaren eta Jarduera Fisikoaren Institutuak egina (NKJFI).
• Gora jotzeko errekurtsoa aurkez daiteke, jakinarazpena egin eta hilabete bateko epean.

• Eskabide-orria (2. eranskina).
• Transferentzia bidez ordaintzeko eskaera (aurretik egina ez badago).
• NAN-aren fotokopia.
• Eskatzaileak zerga-betebeharrak eta Gizarte Segurantzarekikoak egunean dituela egiaztatzen duen ziurtagiria. Ez da beharrezkoa izango dokumentazio hori aurkeztea, baldin eta NKJFIari baimena ematen bazaio egiaztapen hori Foru Ogasunean eta Gizarte Segurantzaren Diruzaintza Nagusian egiteko.
• Inskripzio-dokumentua, matrikularen zenbatekoa eta inskripzio-data jasotzen dituena.
• Matrikula edo inskripzio gisa egindako ordainketaren egiaztagiria.
• Ikastaroa gainditu izanaren ziurtagiri indibiduala.

Datu pertsonalen babesari buruzko informazioa (3. eranskina).

63E/2025 Foru Agindua, dirulaguntzen deialdia onesten duena.