• Euskara ikasi nahi duten 16 urtez goitiko herritarrentzat, baldin eta Nafarroan erroldatuta dauden deialdia argitaratzen den egunean.
• Salbuespenak:
  • Hizkuntza eskola ofizialetako, Zubiarteko eta Euskarabideko euskaltegietako ikasleak.
  • Euskarazko ikastaroak egiten dituzten Nafarroako Gobernuko langileak, berariazko laguntzak dituzte-eta (Ikusi azken paragrafoa).

Laguntzak ematen dira bi modalitatetan, ikastaroa noiz hasi eta noizko bukatu behar duen kasu emanda.

Modalitatea bakoitzaren xehetasunak:

Bi modalitateen beste xehetasun batzuk:

Ikastaro bakoitzak laguntza bat edukiko du mota eta ordu kopuruaren arabera:

• Ikastaro estentsiboen, trinkoen eta barnetegien laguntza moduluak:
  • 40 eta 79 ordu bitartekoak, 100 eurora arte.
  • 80 eta 200 ordu bitartekoak, 200 eurora arte.
  • 201 eta 270 ordu bitartekoak, 300 eurora arte.
  • 271 eta 400 ordu bitartekoak, 400 eurora arte.

• Autoikaskuntzako ikastaroen laguntza moduluak:
  • 40 eta 99 ordu bitartekoak, 100 eurora arte
  • 100 eta 189 ordu bitartekoak, 200 eurora arte.
  • 190 eta 250 ordu bitartekoak, 300 eurora arte.

• Berariazko ikastaroen laguntza moduluak:
  • 40 eta 100 ordu bitartekoak, 200 eurora arte.
  • 101 eta 200 ordu bitartekoak, 300 eurora arte.
  • 201 eta 400 ordu bitartekoak, 400 eurora arte.

Konpromisoak:

• Ikasleak, gutxienez, ikastaroaren % 80 eskola orduak jaso behar ditu laguntza jasotzeko.
• Ikasleak dirulaguntza osoa ala zati bat itzuli beharko du, beste diru-laguntzaren bat jasotzen duenean, laguntza osoa matrikularen prezioa baino handiagoa bada, ala aurkezten dituen datuak faltsuak badira.

Banatuko den dirua: 360.000 euro (45.000 euro A modalitatean, eta 315.000 B modalitatean); eskaerek kopurua gainditzen badute, prorrata eginen da.

Esleipena eta ordainketa:

• Esleipenean ikasle bakoitzari dagokion diru kopurua jakinaraziko zaio.
• Modalitate bakoitzak bere esleipen eta ordainketa izanen ditu: A modalitatea 2024ko azaroan, eta B modalitatea 2025eko abuztuan.
• Deialdi honetan ikastaro baterako baino gehiagorako laguntza eskatzen ahal da. Kasu horietan, laguntzak ordainketa bakar batean batu eginen dira.

Eskabideak aurkezteko era: lehentasunez orrialde honetako "Eskatu" botoiaren bidez. Bestela, Erregistro ofizial batez ala posta ziurtatuaz (ezin da mezu elektroniko baten bidez eskatu).

• Aurkeztu beharreko nahitaezko agiriak:
  • Eskabidea telematikoki beteta, “Eskatu” botoiaren bidez (botoia “Tramitazioa” atalean agertzen da eskaerak egiteko epean).
  • Beste modu batera betetzen bada, eskabidea beteta eta sinatuta (paperean ala pdf formatuan).
  • Matrikularen agiria: nahitaez datu hauek agertuko dira: euskaltegia, modalitatea, hasiera, bukaera eta ordu kopurua.
  • Ordainketa agiriak: aurkeztutako ordainagirien batura, gutxienez, laguntzaren adinekoa izan beharko da. Bestela, laguntza txikiagoa izanen da.
  • Ikastaro baterako baino gehiagorako laguntza eskatuz gero, aski da dokumentazio guztia eskaera bakar batean bidaltzea.

• Gainerako agiriak (eskatzaileak hurrengo agiriak ez ditu aurkeztu behar, baldin eta eskabidean Euskarabideari datu horiek lortzeko baimena ematen badio):
  • Errolda agiria.
  • Nafarroako Ogasuneko agiria.
  • Gizarte Segurantzako agiria.
  • Bertaratze ziurtagiria (A modalitatean, eskabidearekin batera ala 2024ko urriaren 15erako; B modalitatean, 2025eko uztailaren 15erako).

45E/2024 Foru Agindua, deialdia onesten duena.

Behin-behinean onartutako eta baztertutako eskabideen zerrenda (argitalpen-data: 2024/11/08).