• 2025. urtean eszedentzian egon direnak, hasierako data edozein dela ere.
• 2024ko azaroaren 3tik abenduaren 31ra bitartean eszedentzian egon direnak.

Kasu guztietan, eskatzaileek diruz laguntzeko moduko kasuetan jasotako egoeraren batean egon beharko dute, eta deialdi honetan ezarritako gainerako baldintzak bete beharko dituzte (ikusi “Argibide gehiago”).

Honako egoera hauetarako eszedentzietan ematen ahalko dira dirulaguntzak:

a) Odol-ahaidetasuneko lehen graduko senideak, ezkontidea edo bikotekidea zaintzeko, baldin eta ospitaleratzea ekartzen duen edo ekarri duen eritasun edo istripu larria badute eta eritasunak edo istripuak irauten duen bitartean edo ondoren zuzeneko zaintza jarraitua eta iraunkorra behar badute.

b) Jaiotako seme-alaba adingabeak zaintzeko, baldin eta hirugarren seme-alaba edo hurrengoak badira, eta familia-unitateko adingabeetatik gutxienez bi, jaiotakoa(k) barne, 6 urtetik beherakoak badira edo 9 urtetik beherakoak, % 33tik gorako desgaitasuna eta/edo mendekotasun aitortua izanez gero (bi seme alaba izatekotan bat % 33 tik gorako desgaitasuna izanez gero).

c) Seme-alaba adingabeak zaintzeko, urtebetetik gorako adopzio edo harreren kasuan.

d) Seme-alaba adingabeak zaintzeko, erditze, adopzio edo harrera anizkoitzen kasuan, seme-alabek 6 urte bete arte edo 9 urte, % 33tik gorako desgaitasuna eta/edo mendekotasun aitortua izanez gero.

e) Jaiotako seme-alaba adingabeak zaintzeko, baldin eta lehen seme-alaba edo hurrengoak badira, Nafarroako Foru Komunitatean familia gurasobakarrak egiaztatzeari buruzko otsailaren 7ko 5/2019 Foru Legearen arabera guraso bakarreko familia gisa akreditatuak dauden edo guraso bakarreko familien egoeran dauden pertsonentzat, seme-alabek 6 urte bete arte edo 9 urte, % 33tik gorako desgaitasuna eta/edo mendekotasun aitortua izanez gero.

Laguntzen bateraezintasuna:

• Foru agindu honetan araututako laguntza ekonomikoak bateraezinak izanen dira beste edozein administrazio publikok helburu berarekin eta aldi bererako ezar dezakeen beste edozein laguntzarekin.
• Laguntza hori bateraezina izanen da Gizarte Segurantzak minbizia edo antzeko eritasun larriren bat duten adingabeak zaintzeko ematen dituen prestazioekin.
• Laguntza hauek eta mendekotasunaren laguntzak bateragarriak izanen dira beti. Hala ere, “Familia barruko laguntzak” izeneko laguntzaren kasuan edo horren antzeko beste edozein laguntzaren kasuan, bi laguntzengatik jaso beharreko zenbatekoa ez da gehienekoa baino handiagoa izaten ahalko, eta, ondorio horietarako, eszedentziagatiko laguntzaren zenbatekoa gutxitu eginen da.
• Laguntza hori bateragarria izanen da Gizarte Segurantzako zaintzaile ez-profesionalentzako hitzarmen bereziaren egoerarekin. Hitzarmen hori Enplegu eta lanaren arloan emakumeen eta gizonen arteko tratu eta aukera berdintasuna bermatzeko presako neurriei buruzko 6/2019 Errege Lege-dekretuak arautzen du, hamalaugarren xedapen gehigarrian. Mendekotasun-egoeran dauden pertsonen zaintzaile ez-profesionalen hitzarmen berezien araubide juridikoa.

Laguntzaren zenbatekoa eta iraupena (2 eranskina).

Betebeharrak (3 eranskina).

Hurrengo pausoak:

Laguntzak jasotzen dituztenek, laguntzak jasotzeko baldintzetan aldaketaren bat izaten bada, horren berri eman beharko diote Familiaren eta Adingabeen Zuzendariordetzako Familiaren Atalari, aldaketa izan eta 15 eguneko epean.

Dokumentazioa.

• Eskabidea, behar bezala beteta.
• Eszedentzia eskatzen duen pertsonaren familia liburu osoaren fotokopia; hartan, laguntzarako kontuan hartzen diren pertsonak agertuko dira, harekin bizi ez diren adin nagusikoak salbu.
• Transferentzia bidez ordaintzeko eskaera, salbu eta eskaera hori jada Administrazioaren esku baldin badago aurretik laguntzak eskatu dituelako, eta betiere kontu zenbakia ez bada aldatu. Eskaera horrek laguntza jasoko duenaren izenean egon beharko du.
• Familia-unitateak eskatu edo/eta hartzen dituen laguntza ekonomiko guztien aitorpena (4. eranskina), haien eta laguntza ekonomiko honen arteko bateragarritasuna baloratzearren.
• Familia-unitateko kideen NANaren, AIZren edo nortasuna frogatzen duen agiriaren fotokopia; betiere, hura izatera behartuta badaude.
• Laguntza emateko kontuan hartzen diren familiako kide guztiak Nafarroako Foru Komunitatean bizi izan direla 2 urteko antzinatasunarekin frogatzen duen erroldatze ziurtagiria.
• Eszedentzia eskatzailearen ezkontideak edo bikotekideak zer enpresatan egiten duen lan, haren ziurtagiria, hartan lan egiten duela agerrarazten duena. Gizarte Segurantzako araubide orokorrean kotizatzen ez duten langileek, autonomoek edo araubide orokorrari atxikirik ez dauden profesional liberalek beren ezkontideak edo bikotekideak eszedentzia eskatu aurreko sei hilabeteetan kasuan kasuko araubidean kotizatu dutela frogatzen duten ordainagiriak edo dagokion mutualitateko ordainagiria aurkeztu beharko dituzte.
• Eszedentzia eskatu duen pertsonak zer enpresatan lan egiten duen, hark egindako ziurtagiria; hartan agerraraziko da baimena eman zaiola dirulaguntza jasotzeko eskubidea ematen dion semea/alaba edo ahaide heldua zaintzeko egoera horretara igarotzeko, baita eszedentziaren hasierako eta bukaerako datak ere.
• Eskatzailearen lanaldiaren ehunekoa egiaztatzen duen agiria.
• Eszedentzia hartzen duen pertsonaren azken sei nominen fotokopia, edo horren frogagarri den enpresaren ziurtagiriaren fotokopia.
• Gainerako agiriak (5. eranskina).

• 14/2025 Foru Agindua, laguntza ekonomikoen deialdia onesten duena 2025erako.
• 101/2024 Foru Agindua, 2024tik 2027ra bitarteko urteetarako, familiaren esparrurako zenbait laguntza emateko oinarri arautzaileak onesten dituena.