Eskabidea nahitaez telematika bidez aurkeztuko da; horretarako, tramitazio elektronikoan eskuragarri dagoen inprimakia erabiliko da, fitxa honen bidez.
Hauxe da aurkeztu beharreko dokumentazioa, laguntzen fitxan eskura dauden ereduen araberakoa, betiere:
a) Eskaera-orria.
b) Proiektuaren izenburua eta laburpena (orrialde bat, gehienez).
c) Proiektuaren memoria, honako atal hauek jasotzen dituela:
- Sarrera: proposatutako ikerketa-proiektuaren aurrekariak (3 orrialde, gehienez).
- Proiektuaren helburuak (orrialde bat, gehienez).
- Materiala/metodoak eta estatistika-plana (3 orrialde, gehienez).
- Proiektuaren erabilgarritasuna (orrialde erdia, gehienez).
- Garapen-denborak (orrialde bat, gehienez).
- Bibliografia (orrialde bat, gehienez).
- Memoria ekonomikoa: aurrekontua eta proiektua finantzatzeko bestelako iturriei buruzko aitorpena, halakorik bada (orrialde bat, gehienez)
d) NANaren fotokopia.
e) Ikertzaile nagusiaren curriculuma (beka eskatzen duenarena).
f) Ikerketa-taldeak azken 5 urteetan izandako esperientzia (orri bat, gehienez).
g) Proiektua egiteko hautatu den ikerketa-zentroaren deskribapena, eta eskura dauden instalazio teknikoak (orri bat, gehienez).
h) Erantzukizunpeko adierazpena, adierazteko betetzen direla Dirulaguntzei buruzko 11/2005 Foru Legearen 13. artikuluan ezarritako baldintza orokorrak. Adierazpen hori eskaeraren inprimaki telematikoan dago.
i) Erantzukizunpeko adierazpena, adierazteko ezen ikerketa-proiektua Nafarroako unibertsitate-erakunde baten mendeko ikerketa-zentro bati lotuta dagoela. Adierazpen hori eskaeraren inprimaki telematikoan dago.
j) Diru-sarrera egiteko erabiliko den kontuaren IBAN zenbakia jasotzen duen dokumentua. Orobat, kontuaren titularra edo titularrak agertuko ditu. Nahitaezkoa da erabiliko den kontuaren titularra onuraduna izatea, eta kontu hori irekita edukitzea laguntza jaso arte.
k) Izangaiak egokitzat jotzen duen beste edozein informazio (orri bat, gehienez).