150 langile baino gutxiago dituzten enpresak, Nafarroako lantokietan inbertsioak eginen dituztenak lan-arriskuak prebenitzeko.

Gastu diruz lagungarriak:

Diruz lagungarriak izanen dira 2024ko azaroaren 2tik 2025eko urriaren 31ra bitartean (biak barne) egin eta ordaindutako inbertsioak.

Dirulaguntzen zenbatekoa:

Gastu diruz lagungarriaren % 25 emanen da, BEZa kanpo, eta dirulaguntzaren zenbatekoa ez da inoiz 30.000 eurotik gorakoa izanen urteko eta onuradun bakoitzeko.

Laguntzaren zenbatekoa % 30ekoa izanen da, honako baldintza hauek betez gero:

• Emakumeen eta gizonen artean lan arloko edozein diskriminazio galarazteko neurriak hartzen badira.
• Onuraduna lehentasunezko erakunde gisa onartuta badago edo lehentasunezko erakunde batean integratua badago.
• Lantokietan esku-hartzeak egiten direnean, kanpoko bortizkeriaren (eraso fisikoak) arriskuaren aurrean segurtasuna emateko.
• Lantokietan esku-hartzeak egiten direnean, laneko bide-segurtasuneko irizpideei dagokienez.
• InnovaRSE edo TAMIRSE zigilua lortu bada azken 5 urteetan, haien edozein fasetan.
• Enpresak prebentzioko lurralde-delegatuaren bisita-programan parte hartu du, azken hiru urteetako deialdiren batean. Egiaztatzea.

Prozeduraren urratsak:

• Gardentasun-adierazpena: laguntzaren onuradun diren enpresek soilik aurkeztu beharko dute, hilabeteko epean, dirulaguntza emateko ebazpena jaso eta hurrengo egunetik zenbatzen hasita.
• 2025eko urriaren 31ra arte, laguntzen justifikazioa aurkeztu beharko da, deialdiaren 8. oinarriaren arabera.

Eskaeraren agiriak:

• Inbertsio-proiektuaren justifikazio-memoria (oinarrizko edukia).
• Inbertsio mota bakoitzerako aurkeztu beharreko dokumentazio espezifikoa eta nahitaezkoa.
• Eskatutako inbertsioarekin ados dagoela adierazten duen dokumentua, langileen ordezkaritzarekin, halakorik balego, eta dirulaguntza zer prebentzio-neurritarako eskatzen den adierazten duena.
• Inbertsioaren aurrekontu edo proformako faktura xehea.
• Hornitzailea aukeratu izanaren justifikazioa: diruz lagundu daitekeen gastua (BEZik gabe) 12.000 euro-tik gorakoa bada ondasunen horniduragatik, edo 30.000 euro-tik gorakoa obra bakoitzeko, eskatzaileak egiaztatu beharko du hornitzailea efizientzia- eta ekonomia-irizpideen arabera aukeratu dela. Horretarako, gutxienez hiru eskaintza aurkeztu beharko dira, eta hautatzen den eskaintza justifikatuko da.

Dirulaguntza eman ondoren:

• Gardentasun-adierazpena: hilabeteko epean aurkeztu behar da, dirulaguntza eman izanaren ebazpena jakinarazi denetik zenbatuta ("Aurkeztu" botoia).

Horrez gain:

Diruz lagungarria den gastuaren % 30eko laguntza eskatzen bada emakumeen eta gizonen arteko edozein lan-diskriminazio saihesteko neurriak hartzeagatik, aurkeztu Berdintasun Planaren onespena, berdintasuna sustatzeko neurrien akta edo negoziazio-dokumentua edo genero-berdintasunaren arloko aintzatespen bereizgarria edo InnovaRSE edo TAMIRSE zigilua, haien edozein fasetan.

Justifikaziorako nahitaezko dokumentazioa:

• Egindako inbertsioa azaltzen duen memoria, gastua eta ordainketa frogatzen dituzten dokumentuak zerrendaturik.
• Egindako gastuak eta ordainketak frogatzen dituzten dokumentuak.
• Inbertsio mota bakoitzerako berariazko justifikazio-dokumentazioa.
• Errentamendu finantzarioaren kontratu baten bidez (leasing) egindako inbertsioaren kasuan, leasing kontratuaren kopia aurkeztu beharko da, eta bertan agertu behar dira hori bukatzean aktiboa eskuratzeko konpromiso irmoa ageri dela, errentamendu finantzarioaren amortizazio-taula eta eragiketaren BEZ osoa ordaindu dela justifikatzen duen agiria.
• Bete izanaren aitorpena.

Eranskina: Datu pertsonalen babesari buruzko informazioa.

• 1138E/2024 Foru Agindua, dirulaguntzen deialdia onesten duena.
• 5/2018 Legea, gardentasunari, informazio publikoa eskuratzeari eta gobernu onari buruzkoa.
• 152/2013 Foru Agindua, Nafarroako Industria Erregistroa sortzen duena.