Osasun-txartel indibiduala (OTI) eskatzea

Tramite honen bidez, txartel berri bat edo txartel baten bikoizketa eska daiteke

Epea zabalik

Tramite honetara harpidetu

Oinarrizko informazioa

Nafarroako udalerri batean erroldaturik egon eta, gainera, asistentzia sanitario publikorako eskubidea dutenentzat.

  • Espainiako nazionalitatea edo bizileku-baimena baduzu, ohikoa da eskubide hori aitortua izatea. Gizarte Segurantzako Institutu Nazionalaren webgunean begiratu dezakezu. Ez bazara agertzen, Institutu horrekin harremanetan jarri behar duzu eskubidea aitortzea eskatzeko.
  • Espainiar nazionalitaterik eta bizileku-baimenik ez baduzu, bizilekuaren arabera dagokizun osasun-zentrora joan behar duzu eskubidea aitortzea eskatzeko.

Eskaera aurkeztu ondoren, aztertu egiten da, baldintzak betetzen dituzun egiaztatzeko.

Dena zuzen badago, eskabidean adierazi duzun helbidera bidaliko dizute txartela, eta, gainera, Lehen Mailako Arretako medikua esleituko dizute, zure bizilekuari dagokion osasun-zentroan. 

Ez baduzu Nafarroan bizitzea justifikatzen erroldatze-ziurtagiri baten bidez, ez duzu txartela eskuratzeko aukerarik izango, baina lekualdatutako pertsona gisa alta emango zaizu osasun-datu-basean.

Oharra: osasun-txartela ez da iraungitzen. Horrenbestez, ez da berritu behar. 

1991ko urriaren 31ko Foru Agindua, osasun-txartel indibiduala arautzen duena.

Tramitazioa

Jarraibideak:

Txartela lehen aldiz eskatzen baduzu, Nafarroako udalerri batean bizi zarela egiaztatzen duen errolda-ziurtagiria aurkeztu behar duzu. Agiri hau, gehienez ere, txartela eskatu baino 15 egun lehenagokoa izan behar da.

Txartelaren ale bikoiztua eskatzen baduzu, ez duzu berariazko dokumentaziorik aurkeztu behar.

Eskaera beste pertsona baten izenean egiten baduzu, honako hauek ere aurkeztu behar dituzu:

  • Familia-liburua, 14 urtetik beherako seme edo alaba batentzako bada.
  • Sinatutako baimena, gainerako kasuetan.

Eskatu

Tramitatzeko beste modu batzuk:

  • Osasun karpeta pertsonalaren bidez. 
  • Aurrez aurre, honako toki hauetako batean (NANarekin edo beste identifikazio-agiri batekin eta eskatutako dokumentazioarekin joan behar duzu):
    • Osasun-zentroak
    • Osasun-txartel indibidualaren bulegoa (Bakearen plaza z/g, 4. solairua, Iruña)

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Harremanetan jartzeko

Osasun-txartel Indibidualaren Atala
Bakearen Plaza z/g, 4. solairua
31002 Iruña
Telefonoa: 848 429 007
Helbide elektronikoa: tarjetasanitaria@navarra.es 

Oharra: orrialde honen edukia informazio hutsa da; baldintzak dagokion araudian argitaratutakoak dira.