18 urtetik gorakoak edo ikasketak hasten dituzten urtean betetzen dituztenak. Salbuespenez, 16 urtetik gorakoak, baldin eta lan-kontratu bat badute edo errendimendu handiko kirolariak badira.

Interesdunek titulu hauetakoren bat izan beharko dute: Derrigorrezko Bigarren Hezkuntzako gradudun titulua, Lanbide Heziketako teknikari titulua edo kirol teknikari titulua.

Ikasketen antolamendua

• Hiru modalitate irakasten dira:
  • Zientzia eta Teknologia modalitatea
  • Giza eta Gizarte Zientzien modalitatea
  • Modalitate Orokorra
• Ematen diren irakasgaiak hiru motatakoak dira:
  • Modalitate guztietarako ikasgai komunak
  • Gai espezifikoak modalitateka
  • Aukerako ikasgaiak
• Irakasgaiak eta orduak, modalitate bakoitzean, 67/2022 Foru Aginduan adierazitakoak dira.
• Curriculuma: 72/2022 Foru Dekretua.

Aurrez aurreko Batxilergoa (gauez)

• Ikasmailetako bakoitzean, astean, ikasleek astelehenetik ostiral bitartean izanen dituzte eskola-orduak eta egunean 45 minutuko 4-6 saio
• Irakasgai guztien asteko ordutegia. 15/2023 Foru Aginduaren I., II. eta II. eranskinak

Urrutiko Batxilergoa

• Ikasleei irakasgai bakoitzeko tutore bat esleituko zaie.
• Ikasleei bi modutan eginen zaie arreta: batetik, aurrez aurreko taldekako tutoretza saioen bitartez (ikasturte hasieran ezarritako programa baten arabera irakasgaiaren funtsezko alderdiak jorratuko dira ikasleekin), eta bestetik, orientazioko banakako tutoretzen bitartez (aurrez aurre, telefonoz edo modu telematikoan).
• Tutoretzetara joatea borondatezkoa da.
• Ikasketa hauek ematen dituen Felix Urabayen BHIk badu ikasgela birtual bat, irakasgaien hezkuntza baliabideekin eta komunikazio tresnekin (posta elektronikoa, foroak, txata), ikasleek errazago ikas dezaten.
• Ikasleek beren lan autonomoa bideratuko duen lan gida/agenda bat izanen dute.

Matrikula

• Matrikula egin daiteke ikasmaila oso batean edo ikasmaila bateko edo bietako irakasgai solteetan.
• Matrikula egin daiteke bigarren ikasmaila osoan lehen ikasmailako bi irakasgai gehienez ere gainditu gabe izanik ere.
• Helduen Batxilergoan matrikulatutako ikasleek ez dute izanen ikasketa horietan irauteko mugarik, araubide arruntean gertatzen den bezala, non gehienez ere 4 urtez egon daitezkeen.

Ikastetxeak

• Aurrez aurreko Batxilergoa (gauez ematen dena)
  • Iruñeko Plaza de la Cruz BHI
  • Iruñeko Navarro Villoslada BHI
  • Tuterako Benjamín de Tudela BHI
• Urrutiko Batxilergoa:
  • Iruñeko Félix Urabayen NHBHI

Matrikula epea

Iruñeko Félix Urabayen NHBHIn Urrutiko Batxilergoa ikasteko matrikula (ikastaroa irailaren 7ean hasiko da):

• Abuztuan, Batxilergoan matrikulatzeko hitzordua hartzeko prozedura jarriko da ikastetxearen webgunean.

• Matrikula abuztuaren 28an hasiko da eta irailean irekita egongo da. Idazkaritzaren jarduera dela-eta matrikula irailaren 7a baino lehen egiterik ez badago, eskolak hasi eta ondoren matrikula daitezke

Batxilergo presentziala (gauekoa) ikasteko matrikula:

• Benjamín de Tudela BHI, Plaza de la Cruz BHI eta Navarro Villoslada BHI; kontsultatu zentroarekin.

Ikasketa hauetan izena emateko zer dokumentazio behar den jakiteko, jo ezazue ikastetxeetako idazkaritzetara edo ikastetxe horietako webguneetara.

• 45/2023 Foru Agindua, Nafarroako Foru Komunitatean Batxilergoan diharduten ikasleak ebaluatu, mailaz igo eta haiei tituluak emateko era arautzen duena.
• 15/2023 Foru Agindua, Nafarroako Foru Komunitateko lurralde eremuan helduentzako Batxilergoko irakaskuntzen ordenamendua, antolaketa, ezarpena eta ordutegia arautzen dituena araubide presentzialean eta urrutiko araubidean.
• 72/2022 Foru Dekretua, Nafarroako Foru Komunitateko Batxilergoaren etapako irakaskuntzen curriculuma ezartzen duena.