Ekonomia sozialeko enpresak sortu eta sustatzeko dirulaguntzak
Ekonomia sozialeko enpresak sortu eta sustatzeko dirulaguntzak
Ekonomia sozialeko enpresak sortzeko eta enpresa jarduera duten erakundeak ekonomia sozialeko enpresa bihurtzeko laguntza; ekonomia sozialeko enpresetarako laguntza teknikoa
Laguntza teknikorako dirulaguntzak (2.2 oinarria): ekonomia sozialeko enpresak, halakotzat jotzen badira kasuan kasuko erregistroetan eta honako kategoria hauetako batean badaude:
Mikrokooperatibak eta lan elkartuko kooperatibak
Lan sozietateak
Laneratzeko enpresak
Fundazioak
Enplegu zentro bereziak
Nekazaritza sektoreko kooperatibak
Ekonomia sozialeko enpresak sortzen edo ekonomia sozialeko enpresa bihurtzen laguntzeko ekintzetarako dirulaguntzak (2.1 oinarria): lan elkartuko kooperatibak edo mikrokooperatibak eta lan sozietateak, beren jarduera diruz lagungarrien egileak hauek badira:
Irabazi asmorik gabeko elkartze erakundeak, helburu sozialean ekonomia soziala sustatzea jasotzen badute: kooperatiben eta lan sozietateen elkartze erakundeak, laneratzeko enpresen edo enplegu zentro berezien elkarteak eta fundazioen elkarteak.
Irabazi asmorik gabeko ekonomia sozialeko enpresak, helburu sozialean ekonomia soziala sustatzea jasotzen badute: lan elkartuko kooperatibak edo mikrokooperatibak, lan sozietateak eta fundazioak.
Irabazi asmorik gabeko enplegu zentro bereziak edo laneratzeko enpresak
Unibertsitateak
Beste enpresa batzuk
Deskribapena keyboard_arrow_down
Laguntza teknikoetarako laguntzak (Aholkularitza)
Aholkularitza, lan elkartuko kooperatibentzat, mikrokooperatibentzat, nekazaritzaren sektorearentzat eta lan sozietateentzat, haien enpresa kudeaketa hobetzeko, lehiakortasuna handitzeko eta enplegua sustatzeko: bideragarritasun azterketak, antolaketa, merkaturatzea, plan estrategikoak, kudeaketa sistemak; aholkularitza, enpresa kudeaketaren arloetan, enpresaren jardunean arruntak eta jarraituak direnak salbuetsita; aholkularitza, enpresa lankidetzarako.
Ekonomia sozialeko enpresen funtzionamenduan eta estrategian ekonomia sozialaren eredua garatzea eta ezartzea bultzatzen duten ekintza planak diagnostikatzea, ezartzea edo ebaluatzea: enpleguaren kalitate arloko ekintza planak; bazkide langileak sartzea; gazteak laneratzea; pertsonak laneratzea; prestakuntza, ekonomia sozialean; lidergo parte-hartzailearen sustapena; gizartearekiko konpromiso balioena; nazioartekotzea bultzatzea; eta hazkunde eraginkorra eta jasangarria.
Dirulaguntzaren zenbatekoa: proiektuaren kostuaren % 85, BEZa kenduta, eta gehienez ere 8.000 euro eskaera bakoitzeko.
Epea: hilabete, aurkeztutako faktura diruz lagungarrien azken banku ordainketa egin eta biharamunetik hasita, baldin eta kasuan kasuko gastu baimena argitaratu bada. Bestela, hilabete, baimen hori ofizialki argitaratu eta biharamunetik hasita. Epea urte bakoitzeko urriaren 31n amaituko da beti. Aurrekontuan krediturik ez izatea ere dirulaguntza ukatzeko arrazoia izanen da.
Enpresak eta lanpostuak sortzeko laguntzak
Ekonomia sozialeko enpresak eta lanpostuak sortzera eta/edo ekonomia sozialeko enpresa bihurtzera zuzenean bideratutako laguntza ekintzak. Hona hemen jarduketa horiek:
Proiektuaren balorazioa eta arreta.
Enpresa sorrerarekin zuzeneko lotura duen ekonomia sozialeko enpresa ereduari buruzko informazioa eta aholkularitza, enpresa eredua ekintzaileei egokitzea eta barne funtzionamenduaren eredua zehaztea.
Negozio eredua zehaztea: talde ekintzailearen eta negozio ideiaren, enpresa planaren edo bideragarritasun azterketen arteko egokitzapena.
Aholkularitza langileei, kapital sozietateak edo bestelako erakundeak lan elkartuko kooperatiba, mikrokooperatiba edo lan sozietate bihurtzeko eta/edo birmoldatzeko prozesuetan.
Ekintzaile bakoitzaren egoeraren azterketa: lan egoera, kontratuak, kapitalizazioa eta abar.
Enpresa berriaren eraketa izapidetzea: aholkularitza eta jarraipena sortzeko prozesuan, izen soziala, notariotza, erregistroa eta abar.
Finantzaketa lortzen laguntzea: informazioa eta aholkularitza, laguntzei eta banku finantzaketari buruz.
Dirulaguntzaren zenbatekoa: diruz lagungarria den jardueraren kostuaren % 85, BEZa kenduta, eta gehienez ere 4.000 euro, sortutako edo eraldatutako enpresa bakoitzeko, baldin eta ekintza horiek egin badituzte 3.1.a) oinarriko 1, 2, 3 eta 4 apartatuetako entitateek. Gainerako enpresa aholkulariak: diruz lagungarria den jardueraren kostuaren % 60.
Eskabidea egiteko epea: 3 hilabete, kalifikazioa lortu eta biharamunetik hasita. Epea urte bakoitzeko abuztuaren 31n bukatuko da. Edo 3 hilabete, deialdiaren baimena NAOn ofizialki argitaratu eta biharamunetik hasita. Aurrekontuan krediturik ez izatea ere dirulaguntza ukatzeko arrazoia izanen da.
Aurkeztu beharreko agiriak keyboard_arrow_down
Eskabide telematikoa egitean, honako dokumentu hauek aurkeztu beharko dituzu (eskaneaturik, fitxategi bereizietan eta izenarekin behar bezala identifikaturik):
Oharra: eskabideak aurkeztean, atxikitzen ahal diren fitxategien tamaina mugaturik dago (artxiboko 20 mega, eta 200 mega artxibo guztien artean). Kasu horietan, igorri baino lehen, fitxategiak konprimitzen ahal dira (esate baterako, zip formatuan), edo dokumentua zenbait fitxategitan zatitzen ahal da.
Agiri komunak
Egindako ekintzen memoria teknikoa, zeinak, gutxienez, honako hauek jaso beharko baititu: proiektuan esku hartu duten enpresen izena, IFZ eta egoitza soziala; proiektuaren izena; enpresak zer sektoretakoak diren; jarduketa planaren eremu geografikoa; proiektuak berekin prestakuntza ekintzak badakartza, prestakuntza plana, eta proiektuarekin duen elkarrekikotasuna; eta proiektuaren hasierako eta amaierako data.
Enpresa onuraduna eratzeko eskrituraren edo aktaren kopia, enpresaren estatutuekin batera. Dokumentu horiek eskaeraren datan eguneratuta aurkeztu beharko dira.
Helburu bererako beste administrazio publiko batzuei eskaturiko edo horiek emaniko laguntzak edo dirulaguntzak azalduko dituen adierazpena, edo horrelakorik eskatu ez duela dioen berariazko adierazpena, hala bada; orobat, helburu bererako dirulaguntza edo laguntza eskaera berriak eta lortzen diren laguntzak hamabost eguneko epean Nafar Lansare-Nafarroako Enplegu Zerbitzuaren aurrean idatziz jakinarazteko konpromisoa ere (II. eranskina).
Erantzukizunpeko adierazpena, Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako baldintzak betetzen dituela adierazten duena (III. eranskina).
Gardentasun adierazpena (Berria): egin ataleko adierazpena “Tramitazioa” “Gardentasunaren adierazpena aurkeztea”. Bearrezkoa izanez gero, dokumentu hauek erantsiko zaizkio:
Azken urteko kontuak, balantzearekin, galera-irabazien egoera-orriarekin eta memoriarekin, fitxategi bakarrean.
Oharra: gardentasun-adierazpena aurkezterakoan, “Espediente zk.” eremuan, diru-laguntza eskatzen den eskaeraren "Erregistro zk." adieraziko da.
Aurretik Nafarroako Gobernuaren dirulaguntzarik jaso ez bada, zure kontua erregistra dezakezu, ordainketa Kontuen eta ordainketen kontsulta webgunearen bidez jasotzeko.
Nafar Lansare-Nafarroako Enplegu Zerbitutzuak eskatzen duen beste edozein agiri.
Ekonomia sozialeko enpresak sortu edo ekonomia sozialeko enpresa bihurtzea
Gainera, ekonomia sozialeko enpresak sortzeko eta enpresa jarduera duten erakundeak ekonomia sozialeko enpresa bihurtzeko programetarako:
Bazkide langile bakoitzerako, Gizarte Segurantzako altaren edo datu-aldaketaren agiriaren kopia, lan kontratuak, fakturak eta dagozkien banku ordainagiriak.
Jarduera diruz lagungarria egiten duen enpresak 3.1 artikulua betetzen duelako egiaztagirien kopia (eskriturak, estatutuak, JEZ, identifikazio fiskaleko txartela).
Entitate eskatzailearen legezko ordezkariak identifikatzen dituen agiriaren kopia eta, hala behar denean, horiek ahalordetzeko agiria, bai eta jakinarazpenetarako helbidea ere.
Datu pertsonalak tratatzeko eta fitxategi publikoetan datuak kontsultatzeko baimena emateko inprimakia (I. eranskina).
Bazkide langile gisa sartzeagatik dirulaguntza eskatzeko aukera ematen duten pertsonen zerrenda (V. eranskina).
Eskaera eta zuzenketak "Eskatu" botoiko ataletan eginen dira.
Laguntza teknikoak
Laguntza teknikoko programetarako laguntzak eskatuz gero, agiri komunez gain, honako hauek ere behar dira:
Emandako laguntza teknikoaren ondoriozko gastuei dagokienez, fakturen kopia eta dagozkien banku ordainagiriak. Erantsi fakturen zerrenda.
Enpresako organo eskudunak egindako adierazpena, kapital soziala egiaztatuko duena, bai eta enpresako bazkideek dituzten akzio, partaidetza edo tituluen kopurua eta mota ere (IV. eranskina).
Erakundeek tramitatzeko berariazko botoiaren bidez eskatu beharko dute dirulaguntza. Beharrezko zuzenketak "Zuzendu" botoi espezifikoaren bidez eginen dira.
Araudia keyboard_arrow_down
19/2026 Ebazpena, zeinaren bidez gastua baimentzen baita ekonomia sozialeko enpresak sortu eta sustatzeko dirulaguntzen deialdirako
483/2026 Ebazpena, gastua baimentzen duena eta 2296/2018 Ebazpena aldatzen baita.
Deialdi honetan bildutako dirulaguntzak, zuzeneko edo zeharkako onuradunak enpresak badira, “de minimis” araubideari lotuta daude, Batzordeak, Europar Batasunaren Funtzionamenduari buruzko Tratatuaren 107. eta 108. artikuluak “de minimis” laguntzei aplikatzeari dagokionez, 2013ko abenduaren 18an emandako 2023/2831 (EB) Erregelamenduan xedatutako moduan.
Deialdi honetan bildutako dirulaguntzak, zuzeneko edo zeharkako onuradunak nekazaritzaren sektoreko kooperatibak badira, “de minimis” araubideari lotuta daude, Batzordeak 2013ko abenduaren 18an emandako 1408/2013 (EB) Erregelamenduan xedatutako moduan.
Ekintzailetzaren eta Lan Autonomoaren Atala
Tomás Caballero parkea, 1
Printzearen Gotorlekua II eraikina, 2. solairua
31005 Iruña
Posta elektronikoa: economiasocial@navarra.es
info
Ondoko administrazio prozedurari lotuta dago tramitea: