• Ekintza terrorista baten ondorioz Nafarroan kalteak jasan dituzten pertsona fisiko edo juridikoak, edo Nafarroako lurraldetik kanpo kalteak jasan dituztenak, betiere nafartasun politikoa badute, bai eta biktimen ezkontideak, legez edo egitez bananduta ez daudenak, edo biktimei afektibitate-harreman bidez lotutako pertsonak ere.
• Bere ibilgailua atentatu batean edo ihes egiteko erabiltze aldera terroristek atxikitako pertsona fisikoak, bai eta mehatxupean edo babespean bizitzeagatik bere lana normaltasunez egiteko zailtasunak dituztenak ere bai.

Laguntzak jaso ahal izateko, honako baldintza hauek bete beharko dira:

a) Izandako kalteak ekintza terrorista baten ondorio izatea; egoera hori Estatuko segurtasun-indar eta -kidegoek, epai judizial batek edo administrazio eskudunaren ebazpen batek zehaztuko dute.

b) Interesdunak dagokion salaketa jarri izana.

c) Gertaerei buruzko Espainiako Gobernuaren Ordezkaritzaren ziurtagiria.

d) Interesdunak aldez aurretik eskatzea Estatuko Administrazio Orokorrari araudian kasu beretarako ezarritako kalte-ordainak eta konpentsazioak.

e) Interesdunak aldez aurretik hartutako konpromisoa, jasotako beste laguntza batzuei buruzko informazioa Nafarroako Gobernuari helarazteko.

d) eta e) apartatuak alde batera uzten ahalko dira foru dekretu bidez, datu horiek ofizioz eskura daitezkeenean.

Dokumentazio hau aurkeztu behar da:

• Eskaera-orria
• Salaketaren egiaztagiria
• Gertaerei buruzko Espainiako Gobernuaren Ordezkaritzaren ziurtagiria
• Indarreko araudian kasu berberetarako ezarritako kalte-ordainak eta konpentsazioak Estatuko Administrazio Orokorrari eskatu zaizkiola egiaztatzen duen agiria
• Beste administrazio batzuetatik edo aseguru-enpresetatik jasotako laguntzak edo informazio hori helarazteko aldez aurreko konpromisoa
• Interesdunaren aitorpena, fiskalizazioa egiteko behar den informazioa helarazteko konpromisoa hartzen duena

9/2010 Foru Legea, Terrorismoaren biktimei laguntzekoa.