Mendekotasuna duten pertsonentzako laguntza ekonomikoa beraien etxeetan bizi daitezen, eta zaintzaileentzako laguntza

Eguneroko bizimodurako etxeko oinarrizko jarduerak gauzatzeko beharrezko zainketak eskuratzeko prestazio ekonomikoa

Epea zabalik

Tramite honetara harpidetu

Oinarrizko informazioa

Mendekotasun egoeran dauden pertsonak, baldin eta ondorengo eskakizunak betetzen badituzte:

  • Mendekotasuneko III. maila (mendekotasun handia), II. maila (mendekotasun larria) edo I. maila (mendekotasun ertaina) aitortua izatea.
  • Mendekotasun egoera aitortzeko eskabidea egin aurretik ingurune familiarrean zainketak jasotzen egotea.
  • Eskabidea egin aurreko bi urteetan zehar Nafarroan modu jarraituan bizi izana egiaztatzea edo, Espainiako beste lekuren batetik etorriz gero, bost urtez Espainian bizi izana egiaztatzea; bost urte horietatik bi urte, justu eskabidea egin aurrekoak izan beharko dira. Bi urtetik beherakoen kasuan, haurraren babesa eta ardura gauzatzen duen pertsonari exijituko zaio bizilekua Espainian izanari buruzko betekizuna.
  • Laguntza hau esleitua izatea Arretarako Banan-banako Programan (ABP).
  • Egoitza batean modu jarraituan ingresatuta ez egotea.
  • Eskatzailearen etxebizitzak zainketa pertsonala behar bezala egitea ahalbidetzen duten bizigarritasuneko eta irisgarritasuneko gutxieneko baldintzak betetzea.

Eskakizun guzti horiek eskabidea aurkezterako unean eta laguntza jasotzen duen denboran zehar bete behar dira.

  • Mendekotasun handia edo larria duten pertsonei zuzendutako prestazio ekonomikoa da.
  • Mendekotasuna duen pertsonaren senitartekoak edo bere inguruko pertsonak dira eguneroko bizimoduko oinarrizko jardueretarako behar dituen zainketak ematen dizkiotenak eta, beraz, ez du zainketa horiek kontratatu beharrik. Zaintzaile nagusia izendatu behar da.
 

MENDEKOTASUN HANDIA

MENDEKOTASUN LARRIA

MENDEKOTASUN MODERATUA

Gehieneko zenbatekoa

542,85 euro

407,21 euro

180 euro

Gutxieneko zenbatekoa

249,44 euro

180      euro

100 euro
  • Mendekotasuna duten Pertsonentzako Arretarako Banan-banako Programaren baliabidea izanik, mendekotasunaren balorazioa egiteko eskabidearekin aurkeztutako dokumentazioa eta familia-unitatearen datu ekonomikoei buruzko informazioa hartuko dira kontuan.
  • Atal horretan daturik jasota ez badago, autonomia pertsonala sustatzeko eta mendekotasuna duten pertsonei arreta eskaintzeko 39/2006 Legeak ezarritako gutxieneko laguntza maila aplikatuko zaio.

Tramitazioa

Epea:

  • Laguntza hori eskuratzeko bidea mendekotasun-mailaren balorazioaren tramitean sartzen da, Arretarako Banan-banako Programan esleitutako baliabidea baita.
  • Interesdunak programa horretan laguntza esleitzeko eskabidea egiteko aukera izango du, dagoeneko bere mendekotasun-mailaren balorazioa eginda izan eta Arretarako Banan-banako Programarik finkatuta ez badu soilik.

Jarraibideak:

Aurrez aurre:

Tramitatzeko beste modu batzuk:

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Harremanetan jartzeko

Pertsonen Autonomiarako eta Garapenerako Nafarroako Agentzia
González Tablas kalea, 7
31005 Iruña
Telefonoak: 902 165 170 / 848 426 900
Posta elektronikoa: info.derechossociales@navarra.es

Oharra: orrialde honen edukia informazio hutsa da; baldintzak dagokion araudian argitaratutakoak dira.