“Sinadura-karpeta gonbidapenarekin” aplikazioak (gaztelaniaz, “Portafirmas con invitación”) aukera ematen dizu dokumentuak sinatzeko, Nafarroako Gobernuak posta elektronikora sinadura-eskaera bat bidaltzen dizunean.

Mezu horiek beti helbide honetatik iritsiko zaizkizu: portafirmas@navarra.es.

Dokumentuak eskuratu eta sinatzeko baldintzak

• Nafarroako Gobernuaren mezua jaso izana, sinadura-eskaerarekin batera.
• Ordenagailuan Autofirma programa instalatua izatea. Instalazioarekin zalantzarik baduzu, Autofirma instalatzeko eta ordenagailuaren funtzionamendua egiaztatzeko informazioa begiratzen ahal duzu.
• Nabigatzailean ziurtagiri digital bat instalatua izatea.
   

Dokumentuak sinatzea

Dokumentuak sinatzeko, urrats hauek egin behar dituzu:

1. Jasotako mezuan, sakatu “Joan eskaerara” esteka.
2. Pantaila bat agertuko da,“Sinadura-karpeta gonbidapenarekin” aplikazioan sartzeko. Ziurtagiri digitalarekin sartu behar duzu.
3. Sakatu dokumentuaren gainean edukia ikusteko.
4. Ados bazaude, sakatu “Sinatu”; ados ez bazaude, sakatu “Itzuli”, dokumentua Nafarroako Gobernura itzul dadin. 
5. Itxi ezazu “Sinadura-karpeta gonbidapenarekin” orria.
    

Sinatutako dokumentuak deskargatzea

Inplikatutako pertsona guztiek sinatzeko prozesua osatutakoan, beste mezu elektroniko bat jasoko duzu portafirmas@navarra.es helbidetik, sinatutako dokumentua deskargatzeko. Horretarako, urrats hauek egin behar dituzu:

1. Jasotako mezuan, sakatu “Joan eskaerara” esteka.
2. Pantaila bat agertuko da,“Sinadura-karpeta gonbidapenarekin” aplikazioan sartzeko. Ziurtagiri digitalarekin sartu behar duzu.
3. Sakatu dokumentuko hiru puntuetan eta “Sinadura” testuan, sinatutako dokumentua lortzeko.
   1. Dokumentua itzuli baduzu, jatorrizko dokumentua bakarrik ikusten ahalko duzu.
       

Kontsultatu gida osoa

Ogasun eta Administrazio Publikoetako Ministerioak garatutako sinadura elektronikoaren aplikazio bat da “Autofirma”, eta derrigorrez ordenagailuan instalatu behar da.

“Autofirma” programarekin ordenagailuan dauden dokumentuak eta fitxategiak sinatu ahal dira, baita Administrazio Elektronikoari dagozkion tramiteak ere. 

Ordenagailuan dokumentuak izenpetzeko, ondorengo urratsak jarraitu behar dira: 

1. “Autofirma” irekitzean, hautatu NAN elektronikoarekin edo ziurtagiri digitalarekin izenpetu nahi den.
2. Hautatu ondoren, bilatu sinatu beharreko fitxategia edo bestela arrastatu dagokion leihora. 
3. Behin fitxategia kargatu ostean, adierazi sinadura bistaratu nahi den ala ez. 
4. Fitxategia izenpetzean, adierazi sinadura non kokatu nahi den. 
5. Jarraian, sinaduraren informazioa azaltzen da eta hizkiaren formatua aldatzeko aukera ematen du. 
6. Sinadura egiteko ziurtagiri digitala eskatzen du, eta babestuta badago, kodea.
7. Izenpetu ondoren, dokumentua adierazitako tokian eta dagokion izenarekin gordeko da.

 
Ikusi gida (irudiak ditu urratsak errazago jarraitzeko)

Egokitzapen prozesua abian jarri dugu tramiteak ziurtagiri digitalarekin sinatu ahal izateko, ohiko edozein web nabigatzaile erabiliz (Chrome, Safari, Edge, Internet Explorer 11 edo FireFox). Sinadura “Autofirma” programarekin egiten da.

Egokitzapena amaitu bitartean, tramite batzuetan “Autofirma” erabiltzen da eta beste batzuetan oraindik ez. Horregatik kasu bakoitzean ondorengo oharrak kontuan hartu behar dira:

Tramiteak Autofirmarekin 

Ordenagailuan “Autofirma” programa instalatuta eduki behar da eta nabigatzailean ziurtagiri digital bat konfiguratuta. 

Jarraitu ondorengo urratsak Autofirma instalatzeko eta ordenagailuaren funtzionamendua egiaztatzeko.

“Autofirma” gabeko tramiteak

Ondorengo nabigatzailetako bat erabili behar da: Internet Explorer edo Mozilla FireFox 51 (edo aurrekoak). 

Eta ordenagailuaren konfigurazioa honakoa izan behar da:

• Java: hornitzaileak adierazitako instrukzioak jarraitu behar dira. Egiaztatu ahal da zein den instalatutako Java osagaiaren bertsioa, hornitzailearen webguneko Java al daukat? aukerarekin. 
• Ondorengo argibideak jarraitu behar dira FNMTrekin sinatutako osagaietan konfiatzeko.
• Internet Explorer-en, lehenik eta behin ondorengo osagaiak instalatu behar dira: 
  • FNMT-RCM konfiguratzailea (Capicom): FNMTren webgunean sartu behar da, “Osagaien Ziurtagiriak eskuratzeko Konfiguratzailea” estekan, ordenagailuan “FNMT-RCMren Konfiguratzailea” softwarea deskargatzeko eta instalatzeko, administradore bezala. Edozein kasutan, Internet Explorer 11 (IE11) nabigatzailearen aukeretan konfigura daiteke hau.
  • Aktibatu webgunearen bateragarritasun modua nabigatzailearen konfigurazioan. Argibide hauek jarraitu behar dira navarra.es webgunean. 

Tramite hauek sinatzeko beharrezkoa da aurkezten duenak bere nabigatzailean ziurtagiri digitala instalatuta izatea edo bestela NAN elektronikoa erabiltzea.