Bulegoetarako, nahikoa da NAN, AIZ, pasaporte edo gidabaimen jatorrizkoa eta indarduna aurkeztea. 

Telefono edo bideodei bidezko arretarako, Autoriza kodea beharko duzu. 

Izapideak Internet bidez egiteko, ziurtagiri digitala behar duzu edo cl@ve-a.

Errazena da ordezkari gisa aritzea. Ordezkarien erroldan alta eman dezakezu hemen.

Jarraian azalduko dizugu zein identifikazio-bide dauden egoera bakoitzean:
 

⟶ Ordezkarien erroldan alta emanda bazaude

Zure kredentzialekin arituko zara, zure izenean ari bazina bezala. Informazio guztia duzu “Zure izenean ari bazara” atalean. 
 

⟶ Erroldan alta emanda ez bazaude

Bulegoetarako, honako agiri hauek aurkeztu behar dituzu: 

• Zure NAN, AIZ, pasaporte edo gidabaimen jatorrizkoa eta indarduna.
• Agiri hauetako bat:
  • Ordezkatzen duzun pertsonak edo erakundeak emandako Autoriza kodea.
  • Pertsona fisiko baten izenean ari bazara, ordezkatzen duzun pertsonaren NANaren kopia eta ordezkaritza egiaztatzen duen jatorrizko agiria.
  • Erakunde baten izenean ari bazara, esteka honetan zehaztutako agiriak.  
     

Telefono eta bideodei bidezko arretarako, ordezkatzen duzun pertsonak edo erakundeak emandako Autoriza kodea beharko duzu.   

Aukera horiek ez dute balio izapideak Internet bidez egiteko. Horretarako, beharrezkoa da ordezkarien erroldan alta ematea edo entitate laguntzaile baten bitartez jardutea.