Diseinatu zure aurkezpen-gutuna

Aurkezpen- edo motibazio-gutuna curriculum vitaearekin batera aurkezten da lan-eskaintza batera aurkezten zarenean.

Helburua da zeure burua labur aurkeztea eta aditzera ematea zein diren zure motibazioak eta zergatik zaren egokia lanposturako.

1

Gutuna idatzi aurretik

Funtsezkoa da prestaketa-urrats batzuk egitea:

Zeure burua ezagutzea. Definitu zure gaitasunak eta esperientzia, eta zertan datozen bat lanpostuarekin. Hemen duzu informazio gehiago.
Ikerketa. Ezagutu enpresa sakon, zure mezua haien beharretara egokitzeko.
Pertsonalizazioa. Egokitu gutun bakoitza eskaintza espezifikora edo enpresara, autohautagaitzen kasuan.

2

Gutun motak

Lan-eskaintza baterako gutuna. Eskaintza zehatz bati erantzuten diozunean, garrantzitsua da gutuna egokitzea lanpostuaren betebehar eta eskakizunetara.
Autohautagaitzako gutuna. Zure profila enpresa bati proposatzen diozunean, eskaintzarik ez badago ere, azaldu zer balio ematen ahal diozun enpresari.
“LinkedIn eskaerako” gutuna. Mezu laburra, plataforma profesionalen bidez lehen harremana ezartzeko.

3

Nolakoa izan behar du egiturak?

Aurkezpena: zergatik ari naiz idazten? Sarrera laburra eta idazteko arrazoia.
Azalpena: zer ekarpen egin dezaket? Nabarmendu zure gaitasunak eta motibazioak.
Amaiera. Adierazi elkarrizketa bat izateko interesa duzula.

Adibidez: “Zuregana jotzen dut YYYYY enpresako XXXX lanpostuan interesa dudala adierazteko..

__________ arloan ditudan trebetasunei esker, ____________ ekartzen ahal diot lanpostu honi.
Honekin batera nire curriculuma bidaltzen dizut, kontuan har dezazun, eta zure esanetara naukazu elkarrizketa bat egiteko”.

4

Gutuna eta CVa posta elektronikoz bidali behar badituzu...

Honako hau garrantzitsua da:

Adierazi mezuaren gaian zein eskaintzatarako den zure hautagaitza.
Aurkezpen-gutunaren edukia aprobetxatu dezakezu mezuaren gorputzean.
Oroitu aurkezpen-gutuna erantsi behar duzula CVarekin batera.

1