Nafarroako Foru Komunitatearen egungo egoera epidemiologikoa dela eta, Osasunbidea-Nafarroako Osasun Zerbitzuak beharrezkotzat jo du Nafarroako Ospitale Guneko (NOG) ospitale-inguruneko bisitei eta laguntzei buruzko araudia aldatzea, COVID-19 infekzioa prebenitzeko eta kontrolatzeko neurriak indar ditzaten. Horrela, aste honetatik aurrera, bisitak erabat mugatuko ditu.

Behar izanez gero, egunean zehar paziente bakoitzak laguntzaile bakarra izanen du, osasun-langileek emandako jarraibideen arabera. Pazienteen laguntzaile horiek NOGk emandako identifikazioa eraman beharko dute, eta une oro errespetatu beharko dituzte ospitaleratzean idatziz emango zaizkien COVID prebentzio-neurriak.

Gauez, debekatuta dago 21: 00etatik aurrera laguntzea, salbuespenezko egoeretan izan ezik.

Behar izanez gero, baliabide telematikoak jarriko dira senideekin eta hurbilekoekin harremanetan jartzeko.

COVID arretarako planta espezifikoetan eta kritikoen unitateetan, aurretik araututako neurriak mantenduko dira.