Nafarroako Gobernuak, mendi publikoen titularrekin lankidetzan, zura aprobetxatzeko urteko planak egin eta baimentzen ditu. Planak baimendu direnean, toki erakunde bakoitzak saldu egiten ditu.

Saldu baino lehen, toki erakundeek Nafarroako Ingurumenzaintza Bulegoari eskatu behar diote zuhaitzak markatzeko. Halaber, auzokideentzako egur epaitzak markatzeko ere eskatzen ahal dute. Edonola ere, eskaera egiteko, instantzia bat aurkeztu behar da Nafarroako Gobernuko Erregistro Orokorrean, Ingurumenzaintza Bulegoari zuzenduta.

Gainera, Nafarroako baso aprobetxamenduen gaineko interesa duten enpresak, elkarteak eta pertsonak Nafarroako Zuraren webean erregistratzen ahal dira, Nafarroako titulartasun publikoko mendietan salgai dauden egur eta zura epaitzen enkanteen berri izateko eta, hala, eskainitako produktuen erosketa sustatzeko.

Interesgarria izan dakizuke honako hauek kontsultatzea:

Nafarroan baimendutako egur epaitzak, herri basoetan, azken 2 urteetan, eta zura aprobetxatzeko azken 2 urteetan baimendutako planak:

• Taula, zuraren sailkapenaren arabera banakatuta
• Taula, moztu beharreko enbor oinen kopuruaren arabera banakatuta
• Taula, hasitako eta amaitutako mozketen informazioa jasota
   

Titulartasun pribatuko mendietan nahitaezkoa da Nafarroako Gobernuari baimena eskatzea, edozein baso aprobetxamendurako:

→ Mendian basogintzako aprobetxamendu partikularrerako baimena eskatzea.
Azken 2 urteetako baimenak kontsultatzea interesatzen ahal zaizu.

Zuraren kubikazioa da lurzati jakin batean dauden zuhaitzen eta baso produktuen bolumena zehazteko jarraitzen den prozesua.
Nafarroan, zura saltzeko modurik ohikoena zutik dauden zuhaitzen zur bolumena kubikatzean datza. 

“Nafarroako Baso Kubikazioa” aplikazioak Nafarroako espezie nagusien baso aprobetxamenduko zur bolumena kalkulatzeko aukera ematen du. Ehun kubikazio ekuazio baino gehiago ditu, jarraibideekin batera, kasuan kasu egokiena aukeratzeko.
 

→ Nafarroako Baso Kubikazioa aplikaziorako sarbidea 
 

Aplikazioa erabiltzen ikasteko tutoriala

Europako Erkidegoko merkatuan lehen aldiz merkaturatzen diren zura eta produktu deribatuak eta Erkidegotik kanpoko lekuetatik lehen aldiz inportatutakoak 1088/2015 Errege Dekretuan arautzen dira, merkaturatzeko legezkotasuna bermatze aldera.

Bertan, zuraren eta haren produktuen merkatuko eragile desberdinak sailkatzen dira, eta horien erantzukizunak kokatzen. Deskargatu azalpen triptikoa.

Zuraren enpresarien elkarteak (ADEMAN) web orri bat dauka, betebehar horrek nori eragiten dion eta hura betetzeko zer egin behar den azaltzen duena: http://www.ademan.org/project/eutr/