Indarrean dauden legezko eta arauzko betekizun aplikagarriak betetzea, eta, ahal den neurrian, nazioarteko erakundeen eta sozietate zientifikoen arauak eta gomendioak betetzea.

Zerbitzu integratuak, eraginkorrak eta gainerako zerbitzuekin, unitateekin eta arreta mailekin koordinatuak daudenak ematea, gure gizarte eta osasun esparruaren barruan.

Kalitatea eta bikaintasuna bermatzea zerbitzuen zorroan, etengabeko hobekuntza zientifiko-teknikoaren, berrikuntzaren, ikerketaren eta irakaskuntzaren bidez.

Herritarren beharrak eta itxaropenak asetzea, irisgarritasuna, arreta pertsonalizatua, informazioaren kalitatea eta segurtasuna bermatuz.

Gure bezeroen beharrei erantzutea, behar bezala gaituak dauden eta etengabeko prestakuntza jasotzen duten profesionalen eskutik.

Kalitate tekniko handiko zerbitzua eskaintzea, lortutako emaitzei buruzko diagnostikoa eta aholkularitza barne.

Pazienteen datu pertsonalen babesa eta konfidentzialtasuna ziurtatzea, indarrean dagoen legeria betez.

Zerbitzuko kideen motibazioa eta parte-hartzea sustatzea, kalitate sistema betetzeko.

Protokolizazio maila egokiari eustea, laborategiaren praktikan aldakortasuna murrizteko eta lan metodoak etengabe optimizatzeko.

Pazienteei eta profesionalei emandako zerbitzuaren kalitatea eta horiek hautematen dutena ebaluatzeko sistemak ezartzea.

Etikarekin, independentziarekin, inpartzialtasunarekin eta zorroztasun profesionalarekin jardutea.

Ingurumen jasangarritasuna zaintzea eta gure jarduerak klima aldaketan dituen ondorioak kontuan hartzea.