Koronabirusaren bilakaera Nafarroan

Hurrengo esteketan kontsulta dezakezu Foru Komunitatean COVID-19aren pandemiaren bilakaerari buruzko azken informazioa.

• Honako hauei buruzko datuak formatu irekian: kutsatzeak, ospitaleratzeak, heriotzak, txertaketa, e.a.
• Nafarroako Osasun Publikoaren eta Lan Osasunaren Institutuaren txosten epidemiologikoa.
• Nafarroako Gobernuak COVID-19aren gainean argitaratutako berriak.

Botiketan eta osasun-zentroetan maskarak nahitaez erabiltzeko beharra kendu dute

ⓘ Aldiz, maskara erabiltzen jarraitu behar da ondorengo egoeretan:

•   Arnas infekzioaren sintomak izanez gero.
•   Osasun-zentro, -zerbitzu eta -establezimenduetan, egoera jakin batzuetan, eta bereziki:
•  
  • Sintomak dituztenek, eremu partekatuetan daudenean.
  • Profesionalek, sintomak dituztenak artatzen dituztenean.
  •  Zainketa intentsiboetako unitateetan lan egiten dutenek (Prebentzio Medikuntzako eta Laneko Arriskuen Prebentzioko Zerbitzuek gomendatuak, osasun-zentro bakoitzaren arriskuaren balorazioaren arabera) eta paziente ahulak dituzten unitateetan lan egiten dutenek.
  • Ospitaletako edo Oinarrizko Osasun Laguntzetako larrialdietan, itxaron-gela barne.
  •  
• Adinekoen eta ezgaitasuna dutenen egoitzetan, langileek, egoiliarrek edo bisitariek sintomarik dutenean, agerraldiak saihesteko, betiere adinekoen ongizatea zainduz, bai maila fisikoan bai emozionalean.

COVID-19a daukat?

Koronabirusarekin bateragarriak diren sintomak badituzu, kasu positiboa bazara edo COVID-19arekin kutsatutako pertsona baten kontaktu estua bazara, nola jokatu behar duzun jakiteko informazioa duzu hemen.

COVID-19aren aurrean jarduteko protokoloa

Osasun Departamentuak bilaketa- eta test-protokoloaren aplikazioa egokitu du; modu horretan, COVID-19aren kasuei dagokienez, sintomak dituzten pertsonak, pertsona ahulenak direnak eta espazio zaurigarrietan (soziosanitarioa besteak beste) lan egiten dutenak detektatu eta zainduko ditu.