Zenbait Garraiobideren gaineko Zerga Bereziaren aitorpen-likidazioa (576 eredua)

Epea zabalik

Tramite honetara harpidetu

Oinarrizko informazioa

  • Pertsonak edo entitateak, ibilgailuen behin betiko lehenengo matrikulazioa haien izenean egiten dutenak (ibilgailuak komunitatean fabrikatuak, inportatuak, berriak edo erabiliak diren kontuan hartu gabe).
  • Pertsonak edo entitateak, Espainiako lurraldean erabiltzearen ondorioz ibilgailuen matrikulazioa egin behar dutenak, baldin eta ez bada eskatu haien behin betiko matrikulazioa Espainian erabiltzen hasi eta 30 eguneko epean (60 eguneko epean, bizilekua aldatu bada).
  • Pertsonak edo entitateak, ibilgailua haien izenean matrikulatuta dutenak, loturarik eza edo salbuespena ekartzen duten inguruabarrak aldatzen badira zerga-egitatea gertatzen denetik 4 urte igaro baino lehen.
  • Pertsonak edo entitateak, zergari lotuta ez daudenak ibilgailu hauek erabiltzeagatik:
    • Estatu, autonomia-erkidego eta toki korporazioen defentsa, zaintza eta segurtasunerako erabiltzen direnak;
    • Anbulantziak eta, haien ezaugarriak direla-eta, autobide eta errepideetako zaintza edo laguntzarako bakarrik erabil daitezkeen ibilgailuak.
  • Subjektu pasiboak, salbuespenezko inguruabar batzuetan ezartzen ahal den loturarik ezaren onuradun direnak.

Tramitazioa

Epea:

Aurkezpena, eta, hala badagokio, ordainketa, garraiobidearen behin betiko matrikulazioa eskatu baino lehen egin beharko dira.

Zerga-egitatea behin betiko matrikulazioa ez den kasuetan, aitorpenerako epea hamabost egun naturalekoa izanen da, zergaren sortzapenetik aurrera zenbatuta.

Jarraibideak:

Aurkezpena Internet bidez egin behar da nahitaez, aurrez aurreko tramitazioari buruzko apartatuan aipatzen diren kasuetan izan ezik.

Garraiobidea formularioan aurkitzen ez bada, Erregistro Orokor Elektronikoaren bidez eskaera bat aurkeztu, "Sección de Impuestos Especiales"-i zuzenduta. Bertan arazoa azaldu, eta ibilgailuaren faktura eta fitxa teknikoa atxikitu.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Tramitatu

Tramitatzeko beste modu batzuk:

Tramitazioa aurrez aurre egiten ahalko da Nafarroako Foru Ogasunaren bulegoetako edozeinetan, aurretiko hitzordua eskatuta, defentsa, zaintza eta segurtasunerako erabiltzen diren ibilgailuak eta anbulantzia eta zaintza eta laguntzarako direnak lehen aldiz matrikulatu behar direnean. Kasu horietan, honako hauek aurkeztu beharko dira:

  • Eskabidea, Zerga Berezien Atalera zuzendutakoa, eskatzailearen izena, deiturak, IFZ eta zerga-egoitza adierazten dituena, baita garraiobidearen klasea, marka eta modeloa eta aitortzeko eskatzen den loturarik ezaren kasua ere.
  • Ibilgailuaren azterketa teknikoaren fitxaren kopia.
  • Fakturaren kopia.
  • IFZren fotokopia.

Loturarik eza lortzeko baldintzak betetzen direla adierazten duen agiria.

Harremanetan jartzeko

Zerga arloko kontsultak egiteko:
Bidali zure kontsulta
Dei iezaguzu 948 505 152 telefono zenbakira

Oharra: orrialde honen edukia informazio hutsa da; baldintzak dagokion araudian argitaratutakoak dira.