Itzulketa erabilera profesionaleko gasolioagatik (G01A, G01M, G09 eta G04)

Epea zabalik

Tramite honetara harpidetu

Oinarrizko informazioa

Zerga Bereziei buruzko abenduaren 28ko 38/1992 Legearen 52 bis artikuluak arautzen duen hidrokarburoen gaineko zergaren itzulketa partziala eskatu ahal duten ibilgailuen titularrak. 

Zehazki, honako baldintzak betetzen dituzten ibilgailuen titularrak: 

  • Gasolio profesionalaren onuradunen erroldan alta emanda egotea, bai titularra bai ibilgailua (G01A eta G01M ereduak).
  • Egindako kilometroen urteko aitorpena aurkeztea (G09 eredua).
  • Gasolio profesionaleko txartelarekin ordaintzea erregaia, txikizkako salmentarako instalazioetan hornitzean. Modu honetan ordainduz gero, ordainketa zerga aitorpentzat hartuko da eta, horrenbestez, itzultzeko eskaeratzat. 
  • Eskatzailea bere kontsumorako instalazio baten titularra bada, hilero G04 eredua aurkeztea, aurreko hilabetean egindako horniduren zerrendarekin.

Gainera, 20/2022 Errege Lege Dekretuan aipatzen den laguntza jasotzeko, ibilgailuek Espainian matrikulatuta egon behar dute, eta haien titularrek aitorpen arduratsua aurkeztu beharko dute. Hau "TRAMITAZIOA" atalaren barruan aurkitu daiteke.

  • 11/2023 Foru Agindua, prozedura arautzen duena abenduaren 27ko 20/2022 Errege Lege-dekretuan aurreikusitako aldi baterako laguntza berezi hauek kudeatu eta ordaintzeko: nekazaritzako ekoizleek kontsumitzen duten gasolioaren prezioa ordaintzeko laguntza eta erabilera profesionaleko gasolioagatik hidrokarburoen gaineko zergaren itzulketa partzialerako eskubidea duten errepide-garraioko enpresei produktu energetiko jakin batzuen prezioa ordaintzeko laguntza.
  • 20/2022 Errege Lege Dekretua, zeinaren bidez ezartzen diren Ukrainako Gerraren ondorio ekonomiko eta sozialei erantzuteko neurriak.
  • 118/2022 Foru Agindua, zeinaren bidez ezartzen baita erabilera profesionaleko gasolioagatik hidrokarburoen gaineko zergaren zati bat itzultzeko prozedura.
  • 38/1992 Legearen 52 bis artikulua, Zerga Bereziei buruzkoa.

Tramitazioa

Jarraibideak:

Sakatu "Tramitatu" erroldan alta emateko, datuak aldatzeko edo baja emateko.

Kontuan izan erroldan ageri den banku-kontuan egingo dela itzulketa, erroldatuta dauden ibilgailuen hornidurengatik bakarrik.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Tramitatu

Jarraibideak:

Aurkezteko, nahitaezkoa da gasolio profesionalaren erroldan inskribatuta egotea aitorpenean aipatzen den urtean.

Urtarrilaren 1etik abenduaren 31ra bitartean egindako kilometroak aitortuko dira. Takografoa erabili behar duten ibilgailuetan, gailu horretatik bertatik hartu behar da datua.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Aurkeztu

Jarraibideak:

Aurkezteko, instalazioak jardueraren eta establezimenduaren kodea izan behar du, eta dagokion lurralde erregistroan eta gasolio profesionalaren erroldan inskribatuta egon.

Hornikuntzak aitortuko dira hilabete natural bakoitza bukatu eta hurrengo hilabeteko 1. egunetik 7.era artean.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Aurkeztu
Harremanetan jartzeko

Zerga arloko kontsultak egiteko:
Bidali zure kontsulta
Dei iezaguzu 948 50 51 52 telefono zenbakira

Oharra: orrialde honen edukia informazio hutsa da; baldintzak dagokion araudian argitaratutakoak dira.