Graduko ikasketa ofizialetako lehen ikasturtean Iruñeko eta Tuterako campusetan ematen diren titulazioetan matrikulatzen diren ikasleak, ikasketa horiek 2023/2024 ikasturtean hasiz.

Onuradunek Nafarroan erroldatuta egon beharko dute deialdia argitaratu aurretik, eta unibertsitate-ikasketetarako hezkuntzaren arloan eskumena duen Ministerioaren beka orokor baten eskatzaile izan beharko dute 2023/2024 ikasturtean. Gainera 8,5 puntuko edo gehiagoko nota izan beharko dute unibertsitatean sartzeko. Familiaren errenta erabilgarriak ezin izango ditu gainditu deialdiaren oinarrietan zehazten diren zenbatekoak.

Beka hau ez da bateragarria izango helburu bererako ematen den beste edozein laguntza edo diru-sarrerarekin, ezta norberaren edo besteren konturako lanaren errentekin ere.

Pertsona eta ikasturte bakoitzeko emango den bekaren zenbatekoa 9.500 eurokoa izango da, bai lehenengo emakidan, bai hurrengoetan.

Onuradunak ikasturte bakoitzean matrikulatutako kreditu guztiak gainditu beharko ditu, eta, ikasturte bakoitzerako beka berritzeko, Ministerioak emandako unibertsitate-ikasketetarako beka orokorren onuradun izaten jarraitu beharko du.

Eskabidea nahitaez telematika bidez aurkeztuko da; horretarako, tramitazio elektronikoan “navarra.es” web atarian eskuragarri dagoen formularioa erabiliko da.

Eskatzaileak edo haren legezko ordezkariak baimena eman ahal izango du Estatuko Administrazio Orokorrean eta beste Administrazio Publiko batzuetan eskuragarri dauden datuak telematikoki kontsultatzeko, honako datu hauek zehazteko, ezagutzeko eta egiaztatzeko: identifikazio-datu guztiak, egoera pertsonal, akademiko eta familiarrak, eta errenta-datuak eta ondare-datuak, beka-eskaera ebazteko beharrezkoak direnak. Horretarako, berariaz adierazi beharko dute eskabidean. Aurka eginez gero edo baimenik ematen ez bada, dokumentazio hau aurkeztu beharko da, PDF formatuan:

• Nortasuna egiaztatzen duen agiriaren kopia.
• Zerga-betebeharrak betetzen dituela egiaztatzen duen agiria.
• Errolda-ziurtagiria.
• EVAUren derrigorrezko fasean lortutako notaren egiaztagiria.
• Hezkuntzaren arloan eskumena duen Ministerioaren beka orokor bat eskatu izana egiaztatzen duen agiria, 2023/2024 deialdirako.
• Matrikula-frogagiria.
• 2022ko PFEZaren aitorpena Nafarroan.
• Hala badagokio, eskatzailearen desgaitasun-ziurtagiria.
• Hala badagokio, familia ugariaren titulu ofiziala.
• Hala badagokio, guraso bakarreko familiaren titulu ofiziala.
• Egoki iritzitako beste agiri eta ziurtagiri batzuk.

Eskabidea legezko ordezkari batek aurkezten badu, ikaslearen beraren ordez:

• Ordezkaritza egiaztatzeko agiria

906E/2023 Ebazpena, dirulaguntzaren deialdia onesten duena.

• 205E/2025 Ebazpena, diru-sarrera txikiko inguruneetatik datozen gazteak goi-mailako hezkuntzan sartzeko bekak berritzen dituena 2025-2026 ikasturterako, 2023-2024 ikasturtetik aurrera graduko unibertsitate-ikasketak egin ditzaten.
• 45E/2025 Ebazpena, zeinaren bidez ebazten baita “Diru-sarrera txikiko inguruneetatik datozen gazteak goi mailako hezkuntzan sartzeko bekak, 2024-2025 ikasturtetik aurrera graduko unibertsitate ikasketak egiteko” izeneko dirulaguntzaren deialdiari dagokion 2023-2024 ikasturteko bigarren ordainketa (2025/01/23an argitaratua).
• 189E/2024 Ebazpena, diru-sarrera txikiko inguruneetatik datozen gazteak goi-mailako hezkuntzan sartzeko bekak 2024-2025 ikasturterako berritzeari buruzkoa, 2023-2024 ikasturtetik aurrera graduko unibertsitate-ikasketak egin ditzaten (2024/09/10ean argitaratua).
• 145E/2024 Ebazpena, 2023-2024 ikasturtetik aurrera graduko unibertsitate-ikasketak egiteko diru-sarrera txikiko inguruneetatik datozen gazteak goi-mailako hezkuntzan sartzeko bekak 2024-2025 ikasturterako berritzeko prozedurari hasiera ematen diona.
• 13E/2024 Ebazpena, zeinaren bidez ebazten baita “Diru-sarrera txikiko inguruneetatik datozen gazteak goi mailako hezkuntzan sartzeko bekak, 2023-2024 ikasturtetik aurrera graduko unibertsitate ikasketak egiteko” izeneko dirulaguntzaren deialdiari dagokion 2023-2024 ikasturteko bigarren ordainketa (2024/02/19an argitaratua).

Beka behin betiko ematea (gaztelaniaz)

• 1054E/2023 Ebazpena, deialdia behin betiko ebazten duena (2023/11/10ean argitaratua).

Beka behin-behineko ematea (gaztelaniaz)

1033E/2023 Ebazpena, deialdia behin-behinean ebazten duena (2023/10/16an argitaratua).

• I. Eranskina: Behin-behinean onartutako eskabideak
• II. Eranskina: Aurrekontu nahikorik ez izateagatik behin-behinean ukatutako eskabideak eta erreserba-zerrenda
• III. Eranskina: Baldintzak ez betetzeagatik behin-behinean ukatutako eskabidea

Behin-behineko ebazpenari alegazioak aurkezteko epea: 10 egun natural, 2023ko urriaren 17tik 2023ko urriaren 26ra.