Prozedura honen bidez, agintaritza eskudunak baimendutako laborategi independente batek egiaztatzen du elektrizitate, gas eta ur kontagailuek behar bezala funtzionatzen dutela.
Soilik kontagailuaren neurketa akatsak jasotzen dira, ez instalazioaren matxurak, ezta kontagailuaren irakurketa akatsak ere (kontsultatu Kontsumoan).
Ordaindu egin behar da. 2025eko prezioak:
- Elektrizitate kontagailua egiaztatzeko kostua: 153,44 euro
- Gas kontagailua egiaztatzeko kostua: 157,51 euro
- Ur kontagailua egiaztatzeko kostua: kontsultatu (emariaren arabera)
Prozeduraren urratsak (prozesua modu grafikoan ikusi):
- Eskaera jaso ondoren, Nafarroako Gobernuak interesdunei jakinarazten dizkie egiaztapenaren onespena eta baldintzak, eta Nafarroako Enpresa eta Berrikuntzarako Europako Zentrora (CEIN) - Metrologia legalaren eremua - igorriko du egiaztapenerako eskaera.
- CEIN - Metrologia legalaren eremua harremanetan jarriko da eskatzailearekin saiakuntzaren kostua eta kobratzeko modua adierazteko.
- CEIN - Metrologia legalaren eremuak, enpresa banatzailearekin batera, egiaztatu beharreko kontagailua kenduko du.
- CEIN - Metrologia legalaren eremuak laborategi bat esleituko du saiakuntzak egiteko. Saiakuntzak egin ondoren, horien gaineko txostenak bidaliko dizkio Nafarroako Gobernuari.
- Nafarroako Gobernuak alderdiei jakinaraziko dizkie saiakuntzen emaitzak, adieraziz positiboak ala negatiboak izan diren.