Sozietateen gaineko Zergaren urteko aitorpena (S90 eta 220 ereduak)

Epea zabalik

Tramite honetara harpidetu

Oinarrizko informazioa

Hitzarmen Ekonomikoaren 18.artikuluaren ondorioz Nafarroan zergak ordaindu behar duten Sozietateen gaineko Zergaren subjektu pasiboak eta ez-egoiliarrak (establezimendu iraunkorrak).

  • Aplikazio honekin (laguntzako programa) Sozietateen gaineko Zergaren deklarazioa prestatzen da, zergak Erregimen Orokorrean ordaindu (S90 eredua) zein Sozietate Taldeen Erregimen Berezian (220 eredua) ordaindu.
  • Zerga-obligazio hori betetzeko bidean, honakoak egin ditzakezu:
    • Erakundearen datu fiskalak eskuratu.
    • Urteko kontuen gordailurako Merkataritza Erregistroan sortutako fitxategia laguntzako programan inportatu (Jarraibideak).
    • Aurreko urteko aitorpena laguntzako programarekin egin bazenuen, aitorpen hartako datuak oraingo aitorpenera eraman (Jarraibideak).

Tramitazioa

Epea:

Aitorpena honako epearen barruan aurkeztu behar da: zergaldia amaitzen denetik, bosgarren hilabeteko lehenengo egunean hasi eta zazpigarren hilabeteko hogeita bosgarren eguna arte.

Jarraibideak:

"Tramitatu" botoia sakatuta, aitorpena egiteko aukera ematen duen laguntzako programa deskarga daiteke. Horretarako, jarraitu honako urratsak:

  1. Deskargatu modulu guztiak eta exekutatu adierazitako modulua. Programa dagoeneko instalatuta baldin badago, deskargatu beharreko moduluak "Eguneratzea"ri dagozkionak izango dira.
  2. Behin instalatu ondoren, zure idazmahaian sortutako ikonotik sar zaitezke laguntzako programara. Segurtasunagatik, erabiltzailea eta pasahitza sortu behar dituzu, aurrerago sartu behar zarenerako.
  3. Aurkezlearen eta subjektu pasiboaren hasierako datuak sartu ondoren, sar zaitez interesatzen zaizun eredura (S90 edo 220), sozietateen zergaren ereduen zerrendatik.
  4. Eredua bete eta amaierako balidazioa egiten duzunean, bidal ezazu telematikoki, "Internet" aukera sakatuta.
  5. Bidalketa elektronikoa egiteko, ziurtagiri digitala edo NAN elektronikoa behar duzu. Horiek erabiltzeko, beharrezkoa da zure ekipo informatikoan capicom osagaia (Explorer erabiltzen baduzu) edo Java 1.6 runtime-a eta Java plugina (Firefox erabiltzen baduzu) instalatuta edukitzea.
  6. Behin bidaltzen duzunean, bidalitako aitorpenaren kopia eskura dezakezu, "Aitorpenen kontsulta" aukeraren bitartez.

Tramitatu

Tramitatzeko beste modu batzuk:

Internet bidez tramitatu behar da nahitaez.

Harremanetan jartzeko

Zerga arloko kontsultak egiteko:
Bidali zure kontsulta
Dei iezaguzu 948 505 152 telefono zenbakira

Erlazionatutako estekak

Oharra: orrialde honen edukia informazio hutsa da; baldintzak dagokion araudian argitaratutakoak dira.