Nafarroako Fundazioen Erregistroan inskribatutako fundazioak, haien fundazio-agiria eta/edo estatutuak aldatu dituztenak.
Deskribapena keyboard_arrow_down
Inskribatutako fundazioek Erregistroari jakinaraziko dizkiote, inskribatzeko, patronatuak onetsi dituen aldaketa guztiak, baldin eta fundazio-agiriaren edo estatutuen edukia aldatzen badute.
Aldaketa horiek egitea erabakitzen ahalko da, baldin eta fundatzaileek ez badute halakorik egitea debekatu, fundazioaren helburua errespetatzen bada eta komenigarria bada entitatearen interesei begira eta haren helburuak hobeki lortzeko.
Gainera, estatutuak aldatzea erabaki beharko da fundazioaren eraketa ekarri zuten inguruabarrak halako moduan aldatu direnean, non ezinezkoa baita fundazioak haien arabera behar bezala jokatzea, salbu eta fundatzaileek kasu horretarako erabaki bazuten fundazioa azkendu beharra dagoela. Kasu horretan, azkentzea erabaki beharko du patronatuak.
Bi kasuetan, patronatua behartuta egonen da bere jarduketa arrazoitzera, eta ez badu jarduten, horrek ekar ditzakeen erantzukizunak hartuko ditu bere gain.
Aldaketarako prozedura egokituko zaio estatutuetan beretan eta fundazioen foru-legerian ezarritakoari, eta horren eskritura publikoa eginen da.
Prozeduraren urratsak:
Eskabidea: Azaroaren 30eko 104/2022 Foru Dekretuaren 19. artikulutik 24.era bitarteko artikuluetan eta 29. artikuluan ezarritakoari egokituko zaio.
Tramitea online bidez eginez gero, eskaneatu eta erantsi beharko dira, erregistroan kalifikatu ahal izateko, fundazio-agiriaren, estatutuen eta eskatzen den gainerako dokumentazioaren jatorrizko agiriak. Aurkeztutako dokumentazioa ontzat eman ondoren, kasu bakoitzean behar diren jatorrizko dokumentuak aurkeztea eskatuko da.
Eskaera aztertzea: Nafarroako Fundazioen Erregistroak Babesletzaren, zerga-arloko departamentu eskudunaren edo fundazioen beste erregistro batzuen laguntza eskatzen ahalko du, egiaztatzeko egokiak direla fundazioaren izena, zuzkidura, helburuak eta jarduerak, edo egin beharreko inskripzioari eragiten dioten estatutuko beste eduki batzuk.
Eskaera zuzentzea: Nafarroako Fundazioen Erregistroak inskribatzeko dagoen fundazioari eskatzen ahalko dio aurkeztu diren dokumentuak zuzentzeko. Hala egiten bada, ebazteko epea etenen da.
Eskaera ebaztea: inskripzio eskaera ebazteko epea hiru hilabetekoa izanen da, eskaera hori foru administrazio publikoko erregistroan sartzen denetik hasita.
Ebazpena epean ez ebaztea: izena emateko epea iraganik, ebazpenaren jakinarazpenik ez badago, inskripziorako eskabidea onartu dela ulertuko da.
Baliabideak: ebazpenak inskripzioa atzera botatzen badu, gora jotzeko helegitea sartzen ahalko da lehendakaritzaren arloan eskumena duen departamentuaren titularrari zuzendua, ebazpen hori jakinarazi eta hilabeteko epean.
Eskabidearekin batera, eta kasuaren arabera, honako agiri hauek aurkeztu beharko dira:
Hasierako fundazio-agiriaren edo haien ondorengoen aldaketaren eskritura publikoa; notarioak kautotutako kopia edo benetako kopia elektronikoa ekarriko da.
Hasierako zuzkidura aldatu bada, berariaz jaso behar da ekarpena egin dela, bai eta ekarpen-egilearen borondatearen adierazpena, zeinetan adierazten baita nahi duela hura hasierako zuzkiduran sartzea.
Fundazio-zuzkiduraren aldaketa ez bada diruzkoa, aditu independente batek egindako balorazioa gehituko da eta hartan honako hauek adieraziko dira: diruzkoak ez diren ekarpen bakoitzaren deskribapena eta, kasua bada, haien erregistro-datuak; ekarpenaren titulua edo kontzeptua; eta, azkenik, hartutako balorazio-irizpideak.
Fundazioa arautzen duten estatutuen aldaketa osoaren edo partzialaren eskritura publikoa. Notarioak kautotutako kopia edo benetako kopia elektronikoa aurkeztu beharko da eta hartan beti agertuko da estatutu berrien testu bategin osoa. Aldaketen ondorioetarako, estatutuen eredu hau erabilgarria izan daiteke.
Ziurtagiria, estatutuen arabera ahalmen hori duenak sinatua, zeinetan egiaztatuko baita fundazio-agiria edo estatutuak aldatzeko erabakia(k):
estatutuen arabera eskumena duen organoak hartu zuela;
aldaketa justifikatzen duen motibazioa biltzen duela eta aldaketa hori egitea komenigarria dela fundazioaren intereserako eta haren helburuak hobeki lortzeko;