Alderdi hauek hartu behar dituzu kontuan, etxebizitza babestu bat hustea eskatzeko:
- Etxebizitza bat husteko baimena emanen da behar bezala justifikatutako arrazoiengatik soilik:
- Lana edo ikasketak direla eta.
- Familia-unitateko kideren bati eragiten dioten osasun-arrazoiak.
- Justifikatutako beste arrazoi batzuk, baldin eta lehenago etxebizitza saltzen edo alokatzen saiatu bazara, eta ezin izan baduzu okupatu bigarren gradura arteko odol-ahaidetasuneko senideren batekin.
- Arrazoi horiek agertu behar dira salerosketa-kontratua eskritura publikoan jaso ondoren.
- Baimena ematen da gehienez ere hiru urterako. Epe hori iraganik, etxebizitza nahitaez alokatu behar da, bai jabeak zuzenean alokatuta, bai Nafarroako Gobernuaren alokairuen poltsan sartuta.
Bestalde, honako alderdi hauek hartu behar dituzu kontuan senide batek etxebizitza okupatu ahal izatea eskatzeko:
- Bigarren gradura arteko odol-ahaidetasuneko senideren batek bakarrik okupa dezake etxebizitza: gurasoak, seme-alabak, aiton-amonak, bilobak eta anai-arrebak.
- Ezin da errentarik jaso ordainetan; etxebizitza dohan erabili behar du.
Bi kasu horietan, Administrazioak hiru hilabeteko epea du eskabidea aztertzeko eta, hala badagokio, baimena emateko. Epe hori iraganik ez baduzu erantzunik jaso, baimena eman dizula ulertu behar duzu.
Etxebizitza erosteko dirulaguntza jaso bazenuen, ez duzu itzuli beharko, ezta eskabidea etxebizitzaren behin betiko kalifikaziotik hamar urte igaro baino lehen aurkezten baduzu ere.