Laguntza-programan dauden aitorpenak

Laguntzarako eta aurrebalidaziorako programa erabili dezakezu honako aitorpen hauek aurkezteko:

• BEZa: F66, F69, 309
• PFEZaren zatikatzea: 130
• Jakinarazpenak eta informazio ereduak: F65, H70,180,182,184,190,193, 345, F50/347, 349 
• Sozietateen gaineko zerga: S91, S90, 220
• Atxikipenak: 715, 716, 745, 746, 747, 748, 759, 760, 780, 781, 785
• Diru-bilketa: bide arruntean geroratzea (CAT06)

Programa lehen aldiz instalatzeko

Kontsultatu instalatzeko eta eguneratzeko eskuliburua (deskargatu hemen eskuliburua) programa instalatu aurretik. Gainera, W7rekin edo ondorengo bertsioekin lan egiten baduzu, kontsultatu eskuliburuaren 1. eranskina. 

Programa lehen aldiz instalatzeko, deskargatu 9.0.4 bertsioa disko gogorreko aldi baterako karpeta batera, eta exekutatu programa, deskonprimatzeko: deskargatu programa.

Programa eguneratzeko

Edozein bertsioren eguneraketa instalatzeko, deskargatu 9.0.4 bertsioaren eguneraketa disko gogorreko aldi baterako karpeta batera, exekutatu programa, deskonprimatzeko, eta bete itzazu eguneratzeko jarraibideak: deskargatu eguneraketa.

Inprimagailua konfiguratzea

Bete lau gomendio hauek:

• Aitorpenaren behin betiko alea inprimatu aurretik, desaktibatu tinta aurrezteko modu ekonomikoa zure inprimagailuan, halakorik baduzu. 
• Desaktibatu bi aldeetatik inprimatzeko aukera, halakorik baduzu, eta hautatu A4 papera, bertikalean.
• Polikiegi inprimatzen badu, desgaitu koloretan inprimatzeko aukera.
• Inprimaketan akatsik bada, saiatu inprimagailua driver bateragarriekin konfiguratzen (HP-LaserJet Series II, DeskJet-Plus...).

Bideo-bereizmena eta letra-tamaina

800x600 edo gehiagoko bereizmena eta letra-tamaina txikiak dituzten monitoreak erabiltzea gomendatzen da. Bereizmen txikiagoarekin, ez da ongi bistaratuko.

Txartel grafikoaren fabrikatzaileek emandako driver batzuk, normalean 32K kolore baino gehiagokoak, aplikazioarekin bateraezinak izan daitezke. Arazorik baduzu, erabili sistema eragileak emandako driverrak.