Araudiaren aldaketa bat onetsita, 2025/12/31n Espainiako lurraldean bizi ziren atzerritarrek bizileku-baimena eskuratzen ahalko dute.

Gainera, asilo-eskaera 2025/12/31 baino lehen aurkeztu zutenei aukera emanen die Atzerritarrei buruzko Erregelamenduan ezarritako bizileku-baimenak eskuratzeko.

Baldintza hauek guztiak betetzen dituzten atzerritarrentzat:

• Espainiako lurraldean egotea 2025/12/31 baino lehenagotik.
• Eskaera egiten den unean, gutxienez 5 hilabetez Espainiako lurraldean egon izana. 
• Espainian zigor-aurrekaririk ez izatea, ezta aurreko 5 urteetan bizi izan den herrialdeetan ere. 
• Ordena publikoarentzat, segurtasunarentzat edo osasun publikoarentzat mehatxua ez izatea, eta Espainiako lurraldean sartzeko debekurik ez izatea.
• Tramitazio-tasa ordaintzea.

Gainera, baldintza berezi hauetako bat gutxienez bete beharko dute:

• Espainian lan egin izana edo lan-kontratu bat aurkeztea.
• Espainian bere familia-unitatearekin batera egotea, honako kide hauez osatutakoa bada: 
  • SEME-ALABAK: 
    • eskolatuak edo ikasketa akademikoak egiten.
    • desgaitasuna duten edo osasun-arrazoiengatik laguntza behar duten seme-alaba adinez nagusiak.
  • AURREKO AHAIDEAK, lehen mailakoak (gurasoak).
    • Zaurgarritasun-egoeran egotea (hala dagoela ulertzen da egoera irregularrean badago, eta gizarte-erakunde batek ere egiazta dezake).

• Aurreikuspenen arabera, eskaerak apirilean aurkezten ahalko dira, baina oraindik ez da ireki aurkezteko epea.
• Erregularizazioa 2026ko ekainaren 30era arte eskatzen ahalko da. 

1. Honako dokumentu hauek presta ditzakezu:

• Pasaportea, bidaia-titulua edo inskripzio-zedula.
• Espainiako egonaldia egiaztatzen duen edozein dokumentu publiko, pribatu edo bietarikoak.
• Zigor-aurrekarien ziurtagiria.
• Lana, familia-unitatearekin bizitzea edo zaurgarritasun-egoera egiaztatzen duten agiriak, kasuaren arabera.

2. Tasa ordaindu izanaren agiria.

Eskaera lehentasunez tramitatuko da, eta honela aurkez daiteke:

• Berariazko formulario baten bidez.
• Zuzenbidean baliozkoa den edozein erregistro-bide erabiliz.
• Baliteke beste bulego publiko batzuk gaitzea eskaerak aurkezteko.

3. Behin-behineko aldeko baimena:

• Baimen hori ematen da eskaera tramitatzeko onartzen denetik ebazpena eman arte.
• Bizileku- eta lan-baimena ematen du, behin-behinekoz.
• Norberaren kontura edo besteren kontura lan egiten ahalko da.
• Espainiako lurralde osorako eta edozein sektoretarako balio du.

4. Ebazpena

• Aldekoa bada, urtebeterako bizileku- eta lan-baimena ematen du.
• Hasierako eguna izanen da behin-behineko baimenarena.
• Baimena luzatu ahal izanen da, egoera berean jarraituz gero eta ezin bada baimenaren aldaketarik eskatu, Atzerritarrei buruzko Erregelamenduaren arabera.

5. Egoiliarraren nortasun-txartela

• Atzerritarraren nortasun-txartela ebazpena eman ondorengo hilabetean eskatu behar da.
• Baimenaren balio-epe bera izanen du.

• Seme-alaba adingabeek eta desgaitasuna duten edo atzerritarraren laguntza behar duten adin nagusikoek aldi berean egin dezakete bizileku-eskaera, eta 5 urteko baimena emanen zaie.
• Atzerritarraren familia-unitatea osatzen duten aurreko ahaideek (gurasoak eta aitona-amonak) salbuespenezko egoeragatiko baimen bakarra eskatzen ahalko dute, urtebeterako.  

• Nafarroako Gobernuaren Atzerritartasunaren arloan arreta eta aholkularitza emateko zerbitzua.   Telefonoa: 848 42 09 11
• Nafarroako Gobernuaren Migrazioen arloko oinarrizko informazio eta orientazio zerbitzua.
  • Iruñeko telefonoa:  848 42 09 72
  • Tuterako telefonoa: 848 43 36 61

Nafarroako Gobernuaren web-orria
Inklusioko, Gizarte Segurantzako eta Migrazioetako Ministerioaren web-orria