Hausnartu zertan zaren ona, zein indargune dituzun, zein trebetasun, gaitasun eta motibazio dituzun, eta zein zeregin egiten zaizkizun zailenak eta saihesten saiatzen zaren.

Zertan lan egin nahiko zenuke? Zer behar duzu lanpostu hori lortzeko? Nahi duzun lana lortzen duzun bitartean, zein beste lanbide onartuko zenituzke, eta zein baztertu? Zure helburu profesionala ezartzea lagungarria izan daiteke lan-arloko erabakiak hartzeko.

Deskubritu nola hasi enplegua bilatzen, zein tresna erabil ditzakezun eta non aurkitu lan-eskaintzak. Egin zure CVa eta aurkezpen-gutuna.

Nolakoa da hautaketa-prozesu bat? Zein proba gainditu beharko dituzu? Zer dira proba psikoteknikoak? Zein elkarrizketa mota daude? Zer hartu behar duzu kontuan talde-dinamika batean?