Nafarroako Gobernuak, Unibertsitateko, Berrikuntzako eta Eraldaketa Digitaleko Departamentuaren bitartez, Sakanako Garapen Agentziarekin hitzarmena sinatu du Sakanako Eskualdean banda zabala hedatzea errazteko. Hitzarmenak 116.000 euroko inbertsioa jasotzen du Foru Exekutiboaren aldetik, eta honako herri hauek hartzen ditu barne: Aizkorbe, Ekai, Etxarren, Etxeberri, Errotz, Izurdiaga, Murgindueta, Satrustegi, Urritzola, Ihabar, Zuhatzu, Arbizu, Arruazu, Bakaiku, Etxarri Aranatz, Lizarraga, Uharte Arakil, Irañeta Lakuntza. Guztira, 19 herri horiek 7.178 biztanle biltzen dituzte, eta gutxi gorabehera 3.263 etxe eta negoziotan bana daitezke.