Nafarroako Gobernuak, Landa Garapenerako Zuzendaritza Nagusiarenbitartez, 130.000 euro bideratuko ditu nekazaritza elikagaiekin merkataritzako hiru feriatan parte hartzeko: Salón de Gourmets, Organic Food Iberia eta Fruit Attraction.

Hala jaso da Landa Garapeneko zuzendari nagusiak abuztuaren 31an Nafarroako Aldizkari Ofizialean (NAO) argitaratutako ebazpenean. Aurkezpenak aurkezteko epea irailaren 30ean amaituko da.

Nafarroako nekazaritzako produktuen eraldaketan eta merkaturatzean ari diren Nafarroako enpresak izanen dira laguntza honen onuradunak, arrantzako eta akuikulturako sektorekoak ere barne.

Onuradun bakoitzari aplikatuko zaion laguntza %70ekoa izanen da merkataritzako ferian izandako parte-hartzeagatik aurkeztutako fakturaren zenbatekoaren gainean, zeina feria antolatzen duen entitateak igorria izanen baita. Onuradun bakoitzari, gehienez ere, 8.000 euro emanen zaio feria bakoitzeko, eta 16.500 euro deialdi bakoitzeko.

Merkataritzako ferietan parte hartzea tresna nagusi bat da kalitateko ekoizpenak sustatzeko eta horren inguruko ezagutza hedatzeko, eta parte-hartze horren eragina handiagoa da operadoreak erakustoki kolektiboetan elkartzen direnean, non norbanakoaren ekoizpenez gain kalitate bereiziaren figurak azpimarratzen baitira, edo operadoreen marka kolektiboak. Indartu egiten da, horrela, Nafarroak nekazaritzako elikagaien erreferentziazko lurralde gisa duen irudia.