2021ko abuztuaren 3a

Toki Administrazioak 75.000 euro inbertituko ditu Azkoiengo Emakumeen parkea egokitzeko

Lekua berrantolatuko da eta euri-uren sarea antolaketa berrira egokituko da
Ezker eskuin: Pilar Orduña, Toki Administrazio eta Despopulazioko zuzendari 
nagusia; Jesús María Rodríguez, Azkoiengo alkatea, eta Juan Carlos 
Castillo, Azkoiengo alkatea, Emakumeen parkean.
Ezker eskuin: Pilar Orduña, Toki Administrazio eta Despopulazioko zuzendari nagusia; Jesús María Rodríguez, Azkoiengo alkatea, eta Juan Carlos Castillo, Azkoiengo alkatea, Emakumeen parkean.  Deskargatu irudia Irudi galeria

Nafarroako Gobernuko Lurralde Kohesiorako Departamentuak, Toki Administrazio eta Despopulazioaren Zuzendaritza Nagusiaren bitartez, elkarlanerako hitzarmena sinatu du Azkoiengo Udalarekin herriko Emakumeen parkea egokitzeko lanak egiteko.

Jarduerak 180.547,28 euroko aurrekontua du (BEZ barne), Foru Gobernuak 75.000 euro jarriko ditu eta gainerakoa Udalak ordainduko du. Hitzarmena berriki sinatu dute Toki Administrazioaren eta Despopulazioaren zuzendari nagusi Jesus Maria Rodriguezek eta Azkoiengo alkate Juan Carlos Castillok.

Azkoiengo Emakumeen Parkeko zoladuraren egungo egoera kaskarra da, zenbait galtzada-harri altxatu direlako, eta horrek segurtasun-arazoak sortzen dizkie oinezkoei.

Parkearen berrantolaketa egingo da, berdegune berriak gehituz, dagoen zoladura berrituz eta euri-uren sarea banaketa berri horretara egokituz. Bi sarrera berri izango ditu, eta horien inguruan bankuak egonen dira.

Lanen bidez, ingurua leheneratu nahi dute, erabiltzaileen aisialdirako leku erakargarri eta segurua izan dadin.