Nafarroako Gobernuak gaueko mugikortasuna mugatu nahi du 01:00etik 06:00etara soilik larunbatetan eta igandeetan, jai-egunetan eta herri-jaiak egitea egokitutako egunetan (bezperak barne). 

Neurria NAOn argitaratzen denetik uztailaren 30eko 00:00etara bitarte aplikatuko da, COVID-19 bidezko arrisku oso handiko egoeran aurkitzen diren udalerrietan; hots, azken egunetan 100.000 biztanleko 250 kasutik gorako intzidentzia metatua eta 7 egunetan 125 kasukoa dutenetan. 

Herri horietan, soilik gaueko ordu horietan, zirkulatu ahal izango da botikak eta osasun-produktuak eta premia biziko beste ondasun batzuk erosteko, osasun- edo albaitaritza-zerbitzuetara joateko, lan edo lege mailako betebeharrak betetzeko, pertsona ahulak zaintzeko, gasolindegietan depositua betetzeko aipatu jarduerak egite aldera, eta ezinbesteko kausak edo beharrezko egoerak medio.