Nafarroako Gobernuak, gaurko bilkuran, erabaki bat hartu du, “PA-30 errepidearen gaineko oinezkoentzako pasabidea, Iruña eta Orkoien artean” izeneko proiektuko lanek ukitutako ondasun eta eskubideen okupazioa presakoa dela deklaratzeko.

Presako prozedura honen helburua lurrak ahalik eta lasterren erabiltzeko tramiteak arintzea da, obrak hasi ahal izateko. Pasabide hori eraikitzearen helburua da Iruñetik Orkoienera doazen erabiltzaile ugariek PA-30 errepidearen mailan gurutzatzea saihestea.

Gogoratu behar da 2019ko azaroan proiektu hau behin-behinekoz onartu zela, jendaurrean jarri zela eta ukitutako toki entitateei entzunaldia eman zitzaiela, eta desjabetze espedienteari hasiera eman zitzaiola, ondasun eta ondasunen zerrenda jendaurrean jarriz.

Errolda Kontseiluko Probintzia Atalean Gobernuak izango duen ordezkaria izendatu da

Nafarroako Gobernuak, gaurko bilkuran, Errolda Kontseiluko Probintzia Ataleko ordezkaria izendatu du erabaki bidez.

Purificación González Merchán Lurralde Kohesioko Departamentuko Toki Entitateen Araubidearen eta Langileriaren Kudeaketaren Ataleko buruak hartuko du kargua.