Nafarroako Gobernuak gaurko bilkuran erabaki du Gobernu Zentralak Nafarroako Polizien inguruko 23/2018 Foru Legearen (azaroaren 19koa) aurka aurkeztutako konstituzio-kontrakotasuneko errekurtsoan agertzea; errekurtsoa izapidetzea onartua du Auzitegi Gorenak.

Exekutiboak Foru Komunitatearen defentsa eta ordezkaritza Nafarroako Gobernuaren aholkularitza juridikoaren esku utzi du.

Zehazki, errekurtsoak 1, (1.c eta 2.g atalak), 11.7, 23.3, 24 eta 27.1 artikuluetan du eragina; "tokiko poliziaren laguntzaileen" irudiari buruzko alderdi jakin batzuk arautzen dituzte, tokiko poliziaren eskumenaren delegazioa udalerriaz gaindiko erakunde batean, edota horrek poliziaren funtzioak uniformerik gabe gauzatzeko aukera, besteak beste.

Gobernu Zentralaren ustez, Nafarroako Legeak Konstituzioko 149.1.18 eta 149.1.29 artikuluak urra ditzake, Estatuari ematen baitiote eskumen osoa “funtzionario publikoen estatutu-erregimenaren oinarrien” eta “segurtasun publikoaren” arloan.