Foru Gobernuak gaurko bilkuran akordio bidez Lurralde Lankidetzarako “Akitania Berria – Euskadi – Nafarroa Euroeskualdeko” Batzarreko Nafarroako ordezkariak izendatu ditu.

Foru Komunitatea honakoek ordezkatuko dute: María Chivite, Nafarroako Lehendakaria; Bernardo Ciriza Lurralde Kohesiorako kontseilaria; Manu Ayerdi, Garapen Ekonomiko eta Enpresarialeko kontseilaria; Ana Ollo, Herritarrekiko Harremanetarako kontseilaria; Juan Cruz Cigudosa, Unibertsitate, Berrikuntza eta Eraldaketa Digitaleko kontseilaria; eta Mikel Irujo Kanpo Ekintzarako zuzendari nagusia.

Izendapenak azaroan Iruñean egingo den ezohiko Batzarrean berronetsiko dira eta bertan izango dira Iñigo Urkullu Lehendakaria; eta Alain Rousset, Akitania Berriko Presidentea, hiru herrialdeetako ordezkaritzekin batera.

Euroeskualdea, zifretan

Akitania Berria-Euskadi-Nafarroa Euroeskualdeak 101 km2-ko azalera du eta 8,7 milioi pertsona hartzen ditu, europako biztanlegoaren %1,74a ordezkatuz. Gainera, 3,95 milioi langile ditu, 1,78 milioi ikasle eta biztanleko BPGa 28.400 eurotakoa da, zeina EBko BPGaren batazbestekoa den.