Maiatzaren 26ko hauteskundei dagozkien argibideak, eskupekoak eta aparteko orduei buruzko akordioak

Gobernuak, gaurko bilkuran igande honetan, maiatzak 26, eginen diren hausteskundei buruzko hiru akordio onetsi ditu.

Batetik, hauteskunde-mahaien kideen argibide eskuliburua onetsi du. Bestetik, hauteskunde-mahaietan egonen diren Nafarroako Probintzia eta Eskualdeko Hauteskunde-Batzordeen kideentzako eta Udal idazkarientzako eskupeko osagarriak, zein Administrazioko ordezkarientzako konpentsazio ekonomikoak zehaztu ditu.

Azkenik, aparteko orduen sortzapenaren modu eta baldintzak ezarri ditu, aurtengo hauteskunde-prozesuen antolaketa eta garapenean parte hartuko duten langileentzat.

Gobernuak Hondakinen eta bere fiskalitateari buruzko Foru Legearen aurkako konstituzio-kontrakotasuneko helegitean pertsonatuko da

Foru Exekutiboak gaurko bilkuran onetsi du, Gobernu Zentralak sustatutako hondakinen eta fiskalitateari buruzko Ekainaren 18ko 14/2018 Foru Legearen 23. artikuluaren 1. eta 2. atalen aurkako konstituzio-kontrakotasuneko helegitean azaldu eta pertsonatu.

Foru Komunitatearen defentsa eta ordezkapena Nafarroako Gobernuaren Aholkularitza Juridikoko Zerbitzuak egitea agindu da.