Maria Chivite Nafarroako Lehendakariak elkarrizketa sozialaren erabilgarritasuna azpimarratu du gaur, eta datorren legegintzaldian ere elkarrizketa horri eusteko konpromisoa hartu du. Hala adierazi du Elkarrizketa Sozialaren Kontseiluak gaur goizean Nafarroako Jauregian egindako osoko bilkuran. Bilera horretan 2021-2024 Enplegu Planaren balantzea aurkeztu da, eta datozen bi urteetarako ahaleginak hiru lan-mahairen sorreran zentratzea erabaki da. Mahai horiek kontseiluaren barruan jardungo dute, lehentasunezko bi gairi heltzeko.

Helburu horien arteko bat, lan-harremanetan berrikuntza sustatu eta garatzea izango da; beste bat, Nafarroaren Negoziazio kolektiborako Behatokia martxan jartzea, eta hirugarren bat, Osasun Publikoaren eta Lan Osasunaren Institutua (NOPLOI) eta Elkarrizketa Sozialaren Kontseiluko Laneko Arriskuen eta Laneko Osasunaren Prebentzioan espezializatutako Batzordearen artean koordinazio-talde bat inplementatzera zuzenduta dago.

Bere esku-hartzean, Maria Chivitek agente inplikatu guztien partaidetza nahiz ekarpena eskertu ditu “beti kolaboratzeko prest daude, baita ekarpenak egiteko ere”. Kontseiluari buruz, lehendakariak bere konpromisoa erakutsi du “esparru eredugarri bat izaten jarrai dezan eta horrekin lotutako adostasuna lortzearen” alde, eta irautea nahiko luke “Erkidegoaren kargura dagoen unean-uneko Gobernua edozein dela ere”.

Topaketan Nafarroako Enplegu Planaren lehenengo erdiaren balantzea izan da nagusi; Maria Chivitek % 88,2ko exekuzio teknikoaren maila altua nabarmendu du, 119 planifikatuetatik jada exekutatzen ari diren 105 ekintzekin eta iazko 120 milioitik gorako aurrekontu-exekuzio batekin. Enplegu-politika aktiboen harira, aurreikusitako 225 neurrietatik 223 exekutatu omen dira, 71 milioi euro inguruko aurrekontu batekin, aurreikusiaren % 81 alegia.

Datozen urtetarako aurreikusitako Planaren hobekuntza alderdiei dagokienez, Nafarroako Lehendakariak aipatu du, alde batetik, lurralde kohesioa bultzatzeko beharra “inbertsiorako erakargarriago bihurtuz Iruñerritik kanpo dauden eremu ororen kokapena” eta, bestetik, enpresei nazioartekotze prozesuan laguntzeko esfortzuak sendotzea. “Egungo egoera geopolitiko eta gesestrategiko europarra eta mundiala, merkatu potentzialen, beste herrialde batzuekiko harremanen eta Europa oraindaino hemen garatu izan ez badira ere gure industriarako aukera bat diren jardueretan posizionatzearen gaineko hausnarketa batera garamatza”, arbuiatu du.

Hobekuntzarekin lotutako beste alderdietako bat, Lehendakariaren esanetan, eta hala eman du jakitera du bileran, enpresetan berdintasun politikak hala nola planak ezartzearekin lotuta dago. "Lanean jarraituko dugu enpresetan langileen arteko ezberdintasunen murrizketan, eta adibide esanguratsu bat aipatzearren, soldata arrakalaren murrizketan, izan ere, horrek hobekuntza bat ekarriko du lehiakortasunean. Zeren berdintasuna, edo gizarte osoaren konpromiso bat da edo ezinezkoa izango da" erantsi du.

Exekuzio ekonomiko eta tekniko nabarmena

2022ko abenduko Enplegu Planaren balantzeak, jarraian zehaztuko direnak bezalako zifrak dakartza: enpresen lehiakortasuna hobetzea, nazioartekotzea, I+D+i, pymeen bultzada edota eraldaketa digital eta berdea helburuetarako 73 milioi.

71 milioi inguru, enpleguaren politika aktiboetara zuzenduak, enpleguaren egoera hobetzera bideratuak; kolektibo lehenetsien kontratazioa sustatzeko diru-laguntzak; ekintzailetza eta gizarte ekonomia sustatzeko laguntzak eta zerbitzuak; desgaitasuna duten eta lan-munduan txertatzeko zailtasunak dituzten pertsonen kontrataziorako diru-laguntzak, etab. 20 milioi euro inguru laguntzetan, enpresek Ukrainako gerratik eratorritako gainkostu energetikoari aurre egin ahal izan diezaioten.

Laneko Arriskuen Prebentzioan, prebentziorako lurralde ordezkariaren irudia sustatu da eta berdintasunaren arloan, kanpaina bat diseinatu da, besteren artean, berdintasun-planak eta uztartze-neurriak arduraz eta araudiari jarraiki sustatze aldera. Ikasgeletan enpresa nahiz zerga arloen gaineko hezkuntza barne hartzea adin goiztiarretan, eta Nafarroa aitzindaria da horretan, planaren beste berrikuntza bat izan da.

Modu paraleloan, eta hala eman da jakitera Elkarrizketa Sozialaren Kontseiluak ospatutako bileran, Enpleguaren Politika Aktiboen planak emaitza bikainak lortu ditu, gizarte, lurralde kohesiorako eta enpleguaren kalitatearen sustapenerako hobekuntza helburuak betetzera helduz, planifikatutako 225etako 223 neurriren exekuzioarekin.

Beste jardueren artean, arlo honetan nabarmentzekoa da estrategia-lerro ezberdinetako europar funtsekiko egokitzapena, kolektiboen kontrataziorako edo prestakuntzarako diru-laguntzak, kasu. Hain zuzen, Nafarroa autonomia erkidego bakarra izan da laguntzak kontrataziora bideratzeko orduan baliabide europar horiek erabili dituena.

Elkarrizketa Sozialaren Kontseilua

Nafarroako Elkarrizketa Sozialaren Kontseilua, agente ekonomiko eta sozial nagusienen hala nola Foru Erkidegoko Administrazioaren arteko topaketa, partaidetza eta negoziazio instituzionalerako hiruko organo bat da, 2014an sortua, zeinetan Nafarroako Enpresa Konfederazioa eta CCOO eta UGT sindikatuak ordezkatzen diren.

2020aren erdialdean, 2021-24 Enplegu-Planaren negoziazioak abiarazi ziren, pertsonak eta enpresak babestu hala nola kontsumoa berraktibatzeko COVID-19 koronabirusak eragindako krisi ekonomikoaren aurrean presazko 13 neurri zekartzan dokumentu bat adostu ondoren.