Landa Garapeneko eta Ingurumeneko Departamentuak basogintzako produktuak eraldatu, mobilizatu eta merkaturatzerako diru-laguntzen deialdia argitaratu du NAO-n. Departamentuak guztira 480.000 euro bideratuko ditu baso jabeek datorren otsailaren 18a baino lehen eska ditzaketen diru-laguntzetara. 

Diru-laguntza honek baso aprobetxamendura bideratutako teknologia, praktika eta ekipoen hobekuntzarako eta basoko produktuak eraldatu eta merkaturatzeko eta balio ekonomikoaren hobekuntzarako jarduketak bultzatzea  du xede. Horrekin guztiarekin, basoen baldintza ekologikoak kontserbatu eta hobetu, zuhaiztien azalera hedatu, eta horrez gain sektorearen belaunaldi erreleboa sustatu eta landa-ingurunetako populazioa finkatzeko ekarpena egitea aurreikusten da. 

Oinarri argitaratuetan xedatuari jarraiki, diruz lagundu ahal izango dira lurren erosketa, % 10era arte; makinen eta ekipo berrien erosketa; edo programa informatikoen eta patente, lizentzia eta abarren erosketak. Jarduketa guztiak bateragarriak izan beharko dira Nafarroako Baso Agendarekin, ingurumen ikuspuntutik dagokion baimenarekin kontatu behar izanik. Laguntza eskuratu ahal izateko derrigorrezkoa izango da 20.000 euroko inbertsio minimo bat egitea eta diruz lagundu ahal izango den inbertsio maximoa 325.000 eurokoa izango da. 

Eskari hori, zuzenean, Landa Garapeneko eta Ingurumeneko Departamentuan edo erregistroetako batean edota telematikoki izapide fitxa erabiliz aurkeztu ahal izango da.