Landa Garapeneko eta Ingurumeneko Departamentuak 13,5 milioi eurorekin lagunduko ditu, hiru dirulaguntzen bitartez, nekazarita sektorearen lehiakortasuna hobetzeko inbertsioak. Deialdiek, NAOn argitaratuak, jardueraren errentagarritasuna hobetzea zein ingurumen-helburuak lortzea erraztea dute xede. 

Hiru laguntza-ildo horiek (lehiakortasuna hobetzeko inbertsioak, ingurumen-helburuak, makinaria amankomunean erabiltzen duten kooperatibak) NPBren Plan Estrategikoaren barruan daude. Plan horrek lehiakortasuna oro har hobetzeko neurriak biltzen ditu, dimentsioari, ekoizpen-orientazioari edo eraginkortasunaren hobekuntzari dagokienez berregituratzearen bidez, eta, horrez gain, neurriak sustatzen ditu ingurumen- eta animalien ongizate-helburuak lortzeko.

Laguntza hauek jaso ahal izango dituzte Nafarroako Nekazaritza Ustiategien Erregistroan jasota dauden nekazaritza-ustiategien titular diren pertsona fisikoek eta juridikoek, bai eta Makineriaren Erabilera Komuneko Kooperatibek ere (CUMA). Eskaerak deialdi bakoitzaren izapide-fitxaren bidez aurkeztu ahal izango dira, uztailaren 2ra arte, kooperatiben kasuan; uztailaren 22ra arte, ingurumenaren aldeko inbertsioetarako; eta irailaren 9ra arte, inbertsioetarako dirulaguntzen kasuan.

(Albiste honi buruz gehiago jakin nahi baduzu, mesedez kontsulta ezazu gaztelaniazko bertsioa. Goiko nabigazio barra gorrian alda dezakezu hizkuntza).