Nafarroako Gobernuak, asteazken honetako bilkuran, udalaz gaindiko eragina duen proiektu sektoriala (UGPS) aldatzea onartu du, Berriobeiti parean Plazaolako Bide Berdearen hiru zatiren trazadura aldatzeko.

Aldaketa hau Turismo, Merkataritza eta Kontsumoko Zuzendaritza Nagusiaren eskaeragatik egin da, izan ere, azken urteotan, mendi-ibiltari eta txirrindularien erabilerarako baliabide turistiko honen egokitzapena bultzatzen aritu da.

Exekutiboak onartutako akordioak Berriogoitiko hiru-gunea zeharkatzen duen tartea (Berriobeitiko udalerriaren kontzejua) eragin du, udalaren mendebaldean antzinako trenbidearen jatorrizko trazadura berreskuratze aldera. Berriobeitiko Udalak dagoeneko bide-zorua egokitzeko lanak egin berri ditu.

Aldaketak halaber Añezkar Gaina eragiten du eraitsita dagoen antzinako tunel bat zeharkatzea ekiditeko, beraz, 2. poligonoko hainbat partzeletako ibilbidea iparrerantz birbideratzea proposatzen da; horrek partzela pribatuak desjabetu beharra dakar.

Azkenik, Berriobeiti eta Berriogoiti arteko trazadura aldatu omen da, bidearen zabalera hedatzeko beharra dela-eta, desjabetu beharreko azalerak aldatuz.

Trazaduraren aldaketa materialerako aurreikusitako aurrekontua 375.000 €-koa da: jadanik Garapen Ekonomiko eta Enpresarialeko Departamentuari dagokion aurrekontu partidan aurreikusita zegoen Next Generation funtsetatik eratorritako finantzaketarekin.

Gobernuak baztertu egin du Oronsospe (Aitzoain kontzejuari dagokiona) eta Berriozar herria arteko tartea aldatzea, Aitzoaingo Kuarteleko ingurumariak zeharkatzen dituenez, Defentsa Ministerioaren aldeko txosten bat erabilgarri izan arte.

Bide berdearen 68 kilometro

Plazaolako Bide Berde Naturalaren Ibilbideak, Saratsako kontzejua (Itza) eta Andoain (Gipuzkoa) arteko bere 68 Km-rekin, 1914 eta 1953 artean Iruña eta Donostia uztartzen zituen antzinako trenbidearen trazadura jarraitzen du. Bere ibilbidearen hein handi bat, Nekazaritza, Arrantza eta Elikadura Ministerioaren “Bide Naturalak” programaren eskutik finantzatutako proiektu ezberdinei esker berreskuratu da.

Ibilbideko erliebe leunari eta zeharkatzen duen ingurune naturalaren xarmari esker, Plazaolako Bide Berdea turismorako eta aisialdirako baliabidea bihurtu da, bereziki zikloturismoa praktikatzeko. Hain zuzen, Latasa (Imotz) barrutian, Plazaolako Bidea, Europa Cabonortetik (Norvegia) Lisboaraino uztartzen duen Eurovelo 1 bide ziklagarriarekin konektatzen da; Bidasoaren Bide Berdearekin Nafarroa zeharkatzen duen 11.000 km-ko ibilbidea dugu hizpide. Konexio hau Turismo, Merkataritza eta Kontsumoko zuzendaritza nagusiak 2016-2019 urte tartean burutu zuen, Ederbidea (INTERREG- POCTEFA) proiektu europarrari jarraiki.

Nafarroako Gobernuak, azken urteotan, Plazaolako Bide Berdeko jarduketa ezberdinak sustatu ditu, ibilbidea txirrindularien eta oinezkoen erabilerarekin egokitzeko, esaterako, bide-zoru eta ezponda mugakideen egonkortasuna, 2021eko uholdeekin kaltetu ziren bide-zoru hala nola ezponden konponketa, antzinako trenbideko tunel ezberdinen eta horien argiztapenaren mantentze-laneko eta segurtasuneko lanen baimena (Urbieta eta Iruñagakoak Leitzan, Uitzikoa Larraunen, Bartolo Lekunberrin eta egun Urritzako tunela Imotzen), edo Latasa, Lekunberri eta Leitzako antzinako geltokiak leheneratzeko lanak, ibilbidea zeharkatzen duten pertsonei zerbitzua emateko gune zehatzetan.