Nafarroako Tafalla eta Murchante herrietan 'La Jota, Patrimonio de la humanidad' jotari buruzko bi hitzaldi izango dira, 'Gracia Navarra' akademia eta jota-eskolako Elena Leache ikertzailearen eskutik, Cultur Izan 2024aren esparruko arte-adierazpen tradizionalen programaren barruan. Bi hitzaldiek errezitaldia eskainiko dute.

Asteburuko egitaraua irailaren 20an, ostirala, 19:30ean hasiko da Tafallako Kultur Etxean eta irailaren 22an, igandea, 12:00etan Murchanteko Gizarte Etxean jarraituko du.

Perico Armendarizi omenaldia, Tafallan

Irailaren 20an, ostirala, 19:30ean, Tafallako Kultur Etxean Perico Armendariz 'Margain' -i omenaldia egingo zaio. Tafallako 'Hermanas Flamarique' jota eskolak, Carolina Gonzalezen zuzendaritzapean, zuzeneko emanaldia eskainiko du gaiarekin zerikusia duten interpretazioekin.

'Jota eta landa: laborariak'

Beste aldetik, irailaren 22an, igandea, Elena Leachek 'La jota y el campo: labradores y labradoras' hitzaldia eskainiko du Murchanteko Gizarte Etxean. Herriko jota eskolak parte hartuko du, María Herrerak zuzenduta, eta gaia osatzen duten piezak interpretatuko dituzte.