2018ko azaroaren 20a

Ministerioaren INTERCAMBIA topaketetan SKOLAE programa aurkeztu du Hezkuntza Departamentuak

Hezkuntza eta Lanbide Heziketako Ministerioak eta Espainiako emakumeen berdintasunerako Institutuak antolatutako XIX jardunaldia egunotan ari da gauzatzen Madrilen

Consuelo Vélaz de Medrano Ureta, Ministerioko Ebaluazio eta Lurralde Kooperaziorako zuzendari orokorrak zabaldu zituen atzokoan jardunaldiak. Ondoren, María José Diaz-Aguado Jalón, Madrileko Complutense unibertsitateko Psikologian katedradunak eta prebentziozko psikologiaren unitateko zuzendari eta berdintasun eta emakumeen aurkako erasoen adituak bere hitzaldia eskaini zuen.

Asteleheneko egitaraua erkidegoek egindako hainbat proiekturen aurkezpenekin osatu zen: Andaluzia, Aragoi, Asturias, Balear Uharteak, Kanariar Uharteak, Cantabria, Gaztela-Mantxa, Gaztela-Leon, Extremadura, Galizia, Madril eta Murtziako ordezkariak izan ziren.

Gaurko saioan, Nafarroak parte hartu du, Valentzia, Ceuta eta Melillarekin batera. Pilar Mayo, Hezkuntza departamentuko berdintasun arduradunak hartu du hitza. Bere aurkezpenean Skolaeren helburu orokorrak azaldu ditu, bere lau ikasgaiekin batera: kritika eta erantzukizuna berdintasunik ezaren aurrean; autonomia eta independentzia pertsonala; lidergoa, ahalduntzea eta partaidetza soziala; eta sexualitatea eta tratu onak ematea.