José Mª Aierdik, bigarren lehendakariordeak eta Lurralde Antolamenduko, Etxebizitzako, Paisaiako eta Proiektu Estrategikoetako kontseilariak, Viguetas Navarra enpresak Barasoaingo industrialdean duen instalazio robotizatuen lantegia bisitatu du gaur goizean. 

Enpresa bisitatu dute Aierdi lehendakariordeak eta harekin batera Luis Ilundain Viguetas Navarra enpresako gerenteak.  

Aierdi lehendakariordearen bisita hau Nafarroako Gobernuak eraikuntzaren sektorearen industrializazio prozesuari ematea nahi duen bultzadaren baitan kokatzen da. Ildo horretatik, Jose Mª Aierdik nabarmendu du eraikuntzaren industrializazioaren eskutik “bidea ematen zaiola sektore honen aurrekaririk gabeko eraldaketa bati, helburua izanik etxebizitzak eskuragarriagoak izatea eta kualifikatutako enplegua sortzea”.

Aierdi lehendakariordeak Luis Ilundain Viguetas Navarrako gerentearen harrera jaso du, eta honek hari jakitera eman dio enpresa hau Barasoainen garatzen ari den etxebizitza eta zuzkidura-eraikinen eraikuntzara bideratutako material aurre fabrikatuen ekoizpen-katearen berri. Viguetas Navarran lantzen diren produktu ezberdinak erabiltzen dira eraikuntza epeak hobetzeko, eskulan kualifikatuaren gabezia ordezteko eta kalitate hala nola doikuntza produktuak hornitzeko.

Bisitara etorri dira halaber Alberto Bayona Nasuvinsako zuzendari gerentea eta Berta Uriz elkarte publiko honetako Etxebizitza esparruko arduraduna. Viguetas Navarraren izenean bertaratu dira Sergio Lara komertziala eta David Ilundain ingeniaria.