Landa Garapeneko eta Ingurumeneko Departamentuak, Nekazaritza eta Abeltzaintzako Zuzendaritza Nagusiaren bitartez, abenduko uholdeek eragindako kalteak konpontzeko ezohiko laguntzen deialdiko ebazpen bana eman du. Zehazki, 5 milioi euro baino gehixeago onartu dira, eta toki-erakundeen nekazaritza-azpiegiturak konpontzeko erabiliko dira, bai eta nekazaritza-ekoizpenetan izandako galerengatiko eta laborantza-ezintasunagatiko lortu gabeko irabaziengatiko laguntzak ere. Bi ebazpenak laster argitaratuko dira Nafarroako Aldizkari Ofizialean (NAO), eta hurrengo laguntza-paketea ustiategi partikularrentzat eta ureztatzaileen komunitateentzat ebatziko da, Europar Batasunak izapideak onartu bezain laster.