navarra.es
Castellano | Euskara | Français | English
Ezagutzera eman
88/2006 Foru Agindua, uztailaren 18koa, Hezkuntza kontseilariarena, abenduaren 5eko 1537/2003 Errege Dekretuaren hirugarren xedapen gehigarria garatzen duena. Errege dekretu horretan ezartzen dira unibertsitatez besteko eta araubide orokorreko ...
88/2006 FORU AGINDUA, uztailaren 18koa, Hezkuntza kontseilariarena, abenduaren 5eko 1537/2003 Errege Dekretuaren hirugarren xedapen gehigarria garatzen duena. Errege dekretu horretan ezartzen dira unibertsitatez besteko eta araubide orokorreko ikasketak ematen dituzten ikastetxeen gutxieneko baldintzak
(2006ko 93. NAOn argitaratutako testua, abuztuaren 4an)
Atarikoa
8/1985 Lege Organikoak, uztailaren 3koak, Hezkuntzarako eskubidea arautzen duenak, 14. artikuluan ezartzen du ikastetxe guztiek ikasketak kalitatez emateko gutxieneko baldintza batzuk bete behar dituztela.
Hezkuntzaren gaineko maiatzaren 3ko 2/2006 Lege Organikoa berriki aldarrikatu bada ere, lege horretan arautzen diren ikasketak ematen dituzten ikastetxeek bete beharreko gutxieneko baldintzak arauz ezartzen ez diren bitartean, arlo horretan abenduaren 5eko 1537/2003 Errege Dekretua dago indarrean. Errege Dekretu horretan ezartzen dira unibertsitatez besteko eta araubide orokorreko ikasketak ematen dituzten ikastetxeen gutxieneko baldintzak.
Aipatutako errege dekretu horren II. eta III. kapituluetan ezartzen dira Haur Hezkuntzako bigarren zikloko eta Lehen Hezkuntzako ikastetxeek, hurrenez hurren, bete behar dituzten gutxieneko baldintzak.
Hala ere, lege-testu horren beraren hirugarren xedapen gehigarriak ezaugarri soziodemografiko edo eskolako ezaugarri bereziko populazioaz arduratzen diren Haur Hezkuntzako bigarren zikloko eta Lehen Hezkuntzako ikastetxeak aurrez ikusitako baldintzak betetzeaz salbuesten ditu, betiere ikastetxe horiek izan beharreko unitate kopuruari dagokionez. II. eta III. kapituluetan aurrez ikusitako gainerako baldintzei dagokienez, hezkuntza administrazio eskudunek ikastetxeen ezaugarri eta neurri berezietara egokituko dituztela ezartzen du.
Unibertsitatez besteko eta araubide orokorreko ikasketak ematen dituzten ikastetxeen gutxieneko baldintzak ezartzen dituen abenduaren 5eko 1537/2003 Errege Dekretuko hirugarren xedapen gehigarrian ezarritakoaren arabera eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41.1 artikuluko g) idatz-zatian emandako ahalmenak erabiliz, agindu dut:
Lehena
Baimen daitezke ezaugarri soziodemografiko edo eskolako ezaugarri bereziko populazioaz (abenduaren 5eko 1537/2003 Errege Dekretuko hirugarren xedapen gehigarriaren lehen idatz-zatian aipatutakoaz) arduratzen diren Haur Hezkuntzako bigarren zikloko eta Lehen Hezkuntzako ikastetxe osatugabeak, salbu eta eskola eskariak ikastetxe oso bat izatea justifikatzen ez badu.
Bigarrena
Hezkuntza unitatetzat hartuko dira Hezkuntza Departamentuaren hezkuntza plangintzak zehaztutako ikasle taldeak. Ikasle talde horietan elkar daitezke Haur Hezkuntzako bigarren zikloko eta Lehen Hezkuntzako ikasleak edo maila bereko zenbait kurtsotako ikasleak, betiere ikasle kopuruak hala justifikatzen badu. Hala bada, 1/25 izanen da gehienez ere irakasle/ikasle ratioa, Haur Hezkuntzako bigarren zikloari nola Lehen Hezkuntzari dagokionez, arlo horretan indarra duen arautegian ezarritakoa galarazi gabe.
Haur Hezkuntzako bigarren zikloko eta Lehen Hezkuntzako ikastetxe osatugabeek bete beharreko baldintzak, instalazioei eta baldintza materialei dagokienez.
Hirugarrena
Haur Hezkuntzako bigarren zikloko eta Lehen Hezkuntzako ikastetxeek ondoko instalazio eta baldintza material hauek eduki beharko dituzte, gutxienez:
a) Erabilera esklusiboko lokaletan kokatzea eta kanpotik haietara sarbide independentea izatea.
b) Unitate bakoitzeko ikasgela bat, ikasle bakoitzeko, gutxienez, metro eta erdi koadroko azalerarekin eta ikasgela bakoitzeko, gutxienez, hogeita hamar metro koadroko azalerarekin.
c) koadroko erabilera anitzeko gela edo gune bat, hiru unitateko edo frakzio handiago bakoitzeko.
d) Jolastokirako gune ireki bat, baimendutako ikaspostuen kopuruari egokitua.
e) Lehen Hezkuntzako ikastetxeetan, Gorputz Hezkuntza eta Psikomotrizitaterako gune estali eta itxi bat. Gune horren azalera ikaspostu bakoitzeko koadrokoa izanen da eta aldageletarako, dutxetarako eta biltegirako guneak izanen ditu.
Salbuespenez, lau unitateko edo gutxiagoko ikastetxeak ez daude aldagelak, dutxak eta biltegia izatera beharturik.
Nolanahi ere, gune horrek koadro izanen ditu, gutxienez, eta ez da inolaz ere koadro baino handiagoa izanen.
f) Komunak eta zerbitzu higieniko-sanitarioak, ikastetxearen edukieraren araberako kopuruan.
g) Zuzendaritza eta Idazkaritzarako bulego bat. Irakasle gelarako ere erabiltzen ahal da eta haren tamaina ikastetxearen edukiera baimenduaren araberakoa izanen da.
Aurreko idatz-zatiko d) eta e) letretan aurrez ikusitako guneak eskolatik kanpo egoten ahal dira eta estaliak eta itxi gabeak izaten ahal dira, betiere ikasleen joan-etorrietan haien segurtasuna bermatzen bada, eskola garraiorik behar ez bada eta ikastetxea dagoen herri berean badaude.
c) eta e) letretan aurrez ikusitako guneak gune komun bakarra bihur daitezke, betiere gune horren azalera koadrokoa bada, gutxienez.
Haur Hezkuntzako bigarren zikloa eta Lehen Hezkuntza batera irakasten duten ikastetxeek bermatu beharko dute Haur Hezkuntzako bigarren zikloko ikasleendako jolastokia eta erabilera anitzeko gela ordutegi independentean erabiltzeko aukera izanen dela, salbu eta unitate berberetan maila bat baino gehiagoko ikasleak biltzen dituzten ikastetxeak badira.
Laugarrena
Hezkuntza Departamentuak foru agindu honetan aurrez ikusitakoa egoki dezake ikastetxeak hartzen duen populazioaren berezitasunen arabera, irakasle-ikasle gehienezko ratioari dagokionez.
Bosgarrena
Foru agindu honek Nafarroako Aldizkari Ofizialean argitaratu eta egun berean hartuko du indarra.
