navarra.es

Castellano | Euskara | Français | English

Bilatzaile erabili!

152/2011 Ebazpena, urriaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe ...

152/2011 EBAZPENA, urriaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Helduen Oinarrizko Hezkuntzako ikastetxe publikoetako Eskola Kontseiluak hautatu, eratu eta haien zati bat berritzeko jarraibideak onesten dituena

(2011ko 220. NAOn argitaratutako testua, azaroaren 7an)

Atarikoa

Hezkuntza Antolamenduaren eta Berrikuntzaren Zerbitzuko zuzendariak aldeko txostena eman du Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Helduen Oinarrizko Hezkuntzako ikastetxe publikoetako Eskola Kontseiluak hautatu, eratu eta haien zati bat berritzeko, hezkuntza komunitateko sektore guztien parte-hartzea bermatzeko asmoz.

Ebazpen honek xedea du ikastetxe horietako Eskola Kontseiluak hautatu, eratu eta haien zati bat berritzeko jarraibideak onestea, ondoko arau hauek kontuan harturik: Hezkuntzari buruzko maiatzaren 3ko 2/2006 Lege Organikoa, Haur Hezkuntzako Eskola Publikoen, Lehen Hezkuntzako ikastetxe publikoen eta Haur eta Lehen Hezkuntzako ikastetxe publikoen Erregelamendu Organikoa onetsi zuen otsailaren 10eko 24/1997 Foru Dekretua (II. tituluko II. kapitulua. A. "Eskola Kontseilua", lehenbiziko xedapen gehigarria eta lehenbiziko eta hirugarren xedapen iragankorrak) eta Nafarroako Foru Komunitatean Helduen Oinarrizko Hezkuntza arautu eta ikasketa horien egitura eta curriculuma ezartzen dituen uztailaren 20ko 61/2009 Foru Dekretua.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz, ebatzi dut:

Lehenbizikoa

Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Helduen Oinarrizko Hezkuntzako ikastetxe publikoetako Eskola Kontseiluak hautatu, eratu eta haien zati bat berritzeko jarraibideak onestea, bai eta eranskinak ere. Hona hemen:

I.-Aplikazio eremua.

1. Ebazpen hau ondoko hauetan aplikatuko da: Lehen Hezkuntzako ikastetxe publikoetan, Haur eta Lehen Hezkuntzako ikastetxe publikoetan, Hezkuntza Bereziko ikastetxe publikoetan, Helduen Oinarrizko Hezkuntzako ikastetxe publikoetan, Derrigorrezko Bigarren Hezkuntzako lehen zikloa behin-behinekoz eta aldi baterako ematen duten Lehen Hezkuntzako ikastetxe publikoetan eta Haur eta Lehen Hezkuntzako ikastetxe publikoetan, eta herrian Derrigorrezko Bigarren Hezkuntzako institutuekin batera funtzionatzen duten Lehen Hezkuntzako ikastetxe publikoetan eta Haur eta Lehen Hezkuntzako ikastetxe publikoetan, baldin eta:

-Beren Eskola Kontseiluak lehenbiziko aldiz hautatu behar badituzte.

-Beren Eskola Kontseiluen zati bat berritu behar badute, hau da, erdietako bat berritu behar badute hartan hautatutako kideak egoteko denbora bukatu delako.

2. Erdietako bakar bat ere berritu behar ez bada, zuzendariak ebazpen hau aplikatzen ahalko du, Eskola Kontseiluen bi erdietako sektore batean edo gehiagotan postu hutsak daudenean.

II.-Hautapen prozesua prestatzea.

1. Ebazpen honek aipatzen dituen ikastetxeetako Eskola Kontseiluak hautatu eta haien zati bat berritzeko deialdia otsailaren 10eko 24/1997 Foru Dekretuaren II. tituluaren II. kapituluko A letran ("Eskola Kontseilua"), hirugarren xedapen iragankorrean eta, hala behar izanez gero, bigarren xedapen gehigarrian eta lehenbiziko xedapen iragankorrean horri buruz ezarritakoari lotuko zaio. Helduen Oinarrizko Hezkuntzako ikastetxe publikoek, aldiz, 61/2009 Foru Dekretuaren bigarren xedapen iragankorrean ezarritakoari jarraituko diote.

2. Ikastetxeetako zuzendariek hezkuntza komunitateko sektore bakoitzaren hauteskunde errolda eginen dute. Erroldak datu hauek bildu beharko ditu: bozkatzeko eskubidea duten pertsonen izena, abizenak eta NANa edo agiri baliokidea.

3. Halaber, ikastetxeetako zuzendaritzek Hauteskunde Batzordeko kide titular eta ordezkoak hautatzeko zozketak antolatuko dituzte, publikotasun eta berdintasun printzipioak bermatuz. Orobat, behar diren prestaketa lan guztiak eginen dituzte hauteskunde prozesuaren jarduketak errazteko.

III.-Hauteskunde Batzordea.

1. Hauteskunde Batzordea, hauteskunde prozedurari ekiteko, ekitaldi publikoan eratuko da azaroaren 9tik aurrera. Hauteskunde Batzordeak kide hauek izanen ditu:

-Ikastetxeko zuzendaria, buru izanen dena.

-Unitate bat baino gehiagoko ikastetxeetan, irakasle bat.

-Aita, ama edo legezko ordezkari bat.

Azken biak zozketa bidez hautatuko dira hauteskunde errolda bakoitzean inskribaturik daudenen artetik. Ordezkoak modu berean hautatuko dira.

2. Helduen Oinarrizko Hezkuntzako ikastetxe publikoetan, gurasoen ordezkariaren partez, ikasleen ordezkari bat izanen da Hauteskunde Batzordean. Zozketa bidez hautatuko da dagokion hauteskunde erroldan inskribaturik daudenen artetik, eta ordezkoa ere modu berean hautatuko da.

3. Hala ere, ebazpen honen I.2 puntuan azaltzen den kasuan, bete behar ez den sektorekoak diren batzordekideak parte hartzetik salbuesten ahalko ditu zuzendariak.

4. Hauteskunde Batzordearen eskumenak otsailaren 10eko 24/1997 Foru Dekretuaren 12. eta 13. artikuluetan eta ebazpen honetan adierazitakoak dira.

IV.-Hauteskunde mahaiak.

1. Bozketa egunean irakasle eta gurasoentzako hauteskunde mahaiak eratuko dira, otsailaren 10eko 24/1997 Foru Dekretuaren 15. eta 16. artikuluetan ezarritakoaren arabera.

Hauteskunde mahaiek bozketa arautu, hauteskundearen garbitasuna zaindu eta botoak kontatuko dituzte.

2. Irakasleen hauteskunde mahaia ikastetxeko zuzendariak, mahaiburu lanetan ariko baita, ikastetxean urte gehien egin dituen irakasleak eta urte gutxien egin dituenak osatuko dute. Azken horrek idazkari lana eginen du. Antzinatasun bereko irakasle batzuk baldin badaude, antzinatasun handienekoen artean irakasle zaharrena izanen da mahaikide eta antzinatasun txikienekoen artean gazteena.

3. Gurasoen hauteskunde mahaiko kideak ikastetxeko zuzendaria, mahaiburu lanetan ariko dena, eta lau guraso edo legezko ordezkari, zozketaz aukeratuak, izanen dira. Haietatik gazteenak idazkari lana eginen du.

4. Helduen Oinarrizko Hezkuntzako ikastetxe publikoetan ez da gurasoen sektoreko hauteskunde mahairik izanen. Aitzitik, ikasleen hauteskunde mahaia izanen da, eta kideak ikastetxeko zuzendaria, mahaiburu lanetan ariko dena, eta bi ikasle, zozketaz aukeratuak, izanen dira. Ikasle zaharrenak idazkari lana eginen du.

V.-Hautatu beharreko ordezkariak eta hautagaien zerrendak.

1. Sektore bateko kide guztiek eskubidea dute hautesle eta hautagai izateko, otsailaren 10eko 24/1997 Foru Dekretuaren 14. artikuluak irakasleen sektorerako aipatzen dituen berezitasunak kontuan harturik.

Hori dela eta, kontuan izan behar da gurasoen ordezkaria hautatzeko eta hautatua izateko eskubidea ikastetxeko ikasleen aitak eta amak daukatela edo, halakorik izanez gero, legezko ordezkariak.

2. Eskola Kontseiluaren osaketa, ikastetxe bakoitzak duen unitate kopuruaren araberakoa, Helduen Oinarrizko Hezkuntzako ikastetxe publikoak barne, otsailaren 10eko 24/1997 Foru Dekretuaren 9. artikuluan, bigarren xedapen gehigarrian eta lehenbiziko xedapen iragankorrean ezarrita dago.

3. Eskola Kontseiluaren erdia bi urtetik behin berrituko da, lehenbizi erdia eta gero beste erdia. Agintaldiak eta hautatu beharreko ordezkarien kopuruak, deialdi honetan berritu behar den erdia zein den kontuan harturik, otsailaren 10eko 24/1997 Foru Dekretuaren 10. artikuluan, bigarren xedapen gehigarrian eta lehenbiziko eta hirugarren xedapen iragankorretan xedatzen dena izanen dute oinarri. Erdi bakoitzeko ordezkarien kopurua, sektore bakoitzean, ebazpen honen eranskinetan ageri da.

4. Helduen Oinarrizko Hezkuntzako ikastetxe publikoetan, Lehen Hezkuntzako eta Haur eta Lehen Hezkuntzako ikastetxe publikoetan gurasoei dagokien ordezkaritza ikasleei esleituko zaie, hauteskundeen bitartez.

5. Hautagaien zerrenda modu formalean aurkeztu behar da. Horretarako idazki bat igorri behar zaio Hauteskunde Batzordeari, hautagaiaren sinadura jarrita eta NANaren edo agiri baliokidearen fotokopia atxikirik.

6. Hauteskunde Batzordeak hautagaien zerrendak onartzeko epea paratuko du eta kontuan hartuko du, betiere, hautagaien behin-behineko zerrenda argitaratzeko egunaren eta hauteskundeen egunaren artean zazpi egun naturaleko tartea utzi behar dela gutxienez.

Onartzen eta baztertzen diren hautagaien behin-behineko zerrendaren aurka erreklamazioa egiten ahalko da, argitara eman eta hurrengo egun baliodunean. Hauteskunde Batzordeak ondoko bi egun baliodunean hartuko du erreklamazioaren gaineko erabakia, eta hartzen dituen erabakien aurka gora jotzeko errekurtsoa jartzen ahalko da, Hezkuntzaren, Lanbide Heziketaren eta Unibertsitateen zuzendari nagusiari zuzendua, hilabeteko epean; errekurtsoa jarrita ere, prozesua ez da etenen.

7. Sektore batean aurkeztutako hautagai kopurua berritu beharreko ordezkarien kopuruarekin alderatuz gero berbera edo txikiagoa bada, Hauteskunde Batzordeak besterik gabe aldarrikatuko ditu aurkeztu diren hautagaiak.

VI.-Hauteskunde prozesua.

1. Eskola Kontseiluetako sektoreen ordezkarien hauteskundeak 2011ko azaroaren 24tik abenduaren 16ra bitarte, biak barne, eginen dira.

Bozkatzeko orduak hautesleen parte-hartze handienari begira paratuko dira.

2. Hauteskunde Batzordeak berariazko boto paper ereduak onartzen ahal ditu. Haietan hautagaien izenak agertuko dira, lehenbiziko deituraren arabera alfabetikoki sailkatuak. Gurasoen edo ikasleen sektoreetan hautagaien zerrenda bat baino gehiago izanez gero, hautagai bakoitzaren izenaren azpian kide diren elkartearen edo erakundearen izena agertuko da. Hautagai bakoitzaren izenaren aurrean laukitxo bat jarriko da. Boto emaileak gurutze bat jarriko du laukitxoan edo laukitxoetan, kasuan-kasuan, botoa zein hautagairentzat den adierazteko.

3. Irakasleen sektoreko ordezkariak otsailaren 10eko 24/1997 Foru Dekretuaren 15. artikuluak xedatzen duenari jarraikiz hautatuko dira.

Zuzendariak klaustro berezirako dei eginen du, irakasleen ordezkariak hautatzeko hauteskunde mahaia eratzeko. Bozketak boto zuzen, sekretu eta delegaezinaren bidez eginen dira. Irakasleek gehienez hiru izen jarriko dituzte beren boto paperean bete beharreko postuak bost edo lau badira, bi izen hiru badira eta izen bakarra ordezkari bat edo bi aukeratu behar direnean. Aurreneko bozketan behar adina irakasle hautatzen ez badira, ekitaldi berean bigarren bozketa eginen da kopuru horretara iristeko.

4. Gurasoen sektoreko ordezkariak otsailaren 10eko 24/1997 Foru Dekretuaren 16. artikuluak xedatzen duenari jarraikiz hautatuko dira. Bozketa prozesua zuzenduko duen hauteskunde mahaia eratuko da. Bozketa boto zuzen, sekretu eta delegaezinaren bidez eginen da. Hautesle bakoitzak gehienez ere hiru izen idatziko ditu bere boto paperean hautatu beharrak bost edo lau direnean, bi izen idatziko ditu hautatu beharrak hiru direnean, eta izen bakarra, bat edo bi hautatu behar direnean. Hautesleek botoa ematerakoan NANaren bidez edo agiri baliokide baten bidez frogatu beharko dute beren nortasuna.

Ikasleen gurasoek botoa posta bidez eman dezakete. Bi gutun-azal erabiliko dira: kanpokoan, ikastetxeko Hauteskunde Batzordera igorriko baita, NANaren fotokopia eta bigarren gutun-azala sartuko dira. Bigarrenaren barnean boto papera sartuko da. Postaz bozkatzen duten hautesleek gutun-azal frankeatu bat igortzen ahalko dute edo gutun-azal bikoitza Hauteskunde Batzordeak horretarako zehaztuko duen postontzian sartu. Hautesleek behar den dokumentazioa eskatuko diote Hauteskunde Batzordeari eskubide hori erabili ahal izateko. Hauteskunde Batzordeak gorde eginen ditu bozketa ixteko ezarritako ordua baino lehen posta bidez jasotako botoak, eta ordu hori iritsi baino lehentxeago hauteskunde mahaiari emanen dizkio. Geroago iristen diren botoak ez dira kontatuko.

5. Administrazioko eta zerbitzuetako langileen sektoreko ordezkariak otsailaren 10eko 24/1997 Foru Dekretuaren 17. artikuluak xedatzen duenari jarraikiz hautatuko dira. Bozketa boto zuzen, sekretu eta delegaezinaren bidez eginen da, irakasleen hauteskunde mahaian, beste hautestontzi batean. Hautesle bakoitzak hautagai bakarrari emanen dio botoa.

6. Derrigorrezko Bigarren Hezkuntzako lehen zikloa ematen duten Haur eta Lehen Hezkuntzako ikastetxeetan eta martxoaren 13ko 150/1996 Foru Dekretuaren bidez sortu ziren Derrigorrezko Bigarren Hezkuntzako institutuen eskolagune berean dauden ikastetxeetan, Derrigorrezko Bigarren Hezkuntzako ikasle bat Eskola Kontseiluko kide izanen da, hala agintzen baitute, hurrenez hurren, otsailaren 10eko 24/1997 Foru Dekretuaren lehen xedapen iragankorrak eta bigarren xedapen gehigarriak.

Ikasleen ordezkari hori dela eta, gurasoen sektoreko lehen erdian kide bat gutxiago izanen da. Aipatutako ordezkari hori bi urtez behin berrituko da eta haren hautesleak Derrigorrezko Bigarren Hezkuntzan ikasten ari diren ikasleak soilik izanen dira, ikastetxeko hezkuntza proiektuan ezarritako prozedurari jarraikiz.

7. Hezkuntza-arreta osagarriko langileen (HAOL) ordezkaria 9 unitate edo gehiago dituzten ikastetxeetan hautatuko da, boto zuzen, sekretu eta delegaezinaren bidez, irakasleen hauteskunde mahaian, beste hautestontzi batean. Hautesle bakoitzak hautagai bakarrari emanen dio botoa. Hezkuntza-arreta osagarriko langileen ordezkaria Eskola Kontseiluko lehen erdiko parte izanen da eta bere kargua utziko du hautatutako erdi horri dagokion epea bukatutakoan.

VII.-Postu hutsak betetzea.

1. Ebazpen honen I.2 puntuan ezarritakoari jarraikiz, zuzendariak hauteskundeetarako dei egiten ahalko du sektoreetan diren hutsuneak betetzeko, erdi batean edo bietan, betiere hutsuneak ordezkoen zerrendaren bitartez betetzerik izan ez denean.

Hutsuneak esleitzerakoan, kargualdia beranduen bukatzekoa duen kidearen hutsunea esleituko zaio boto gehien biltzen dituen hautagaiari. Hortaz, ordeztutako kidearen kargualdia zein egunetan bukatuko litzatekeen, egun horretantxe bukatuko zaio kide berriari.

2. Bi erdietako bat berritu behar duten ikastetxeek postu hutsak esleitzeko deskribatu den prozesua erabiliko dute berritu beharrekoa ez den erdiko hutsuneak betetzeko, hala egokitzen denean.

Hala gertatuz gero, sektore bakoitzean boto gehien eskuratzen dituzten hautagaiei berritzen ari den erdiko postuak esleituko zaizkie, eta hurrengoek beste erdiko hutsuneak beteko dituzte. Azken ordezkari horiek sektore bakoitzean ordeztutakoek bukatuko zuten egun berean bukatuko dute beren kargualdia.

VIII.-Botoak kontatzea, aktak egitea eta hautetsiak aldarrikatzea.

1. Hauteskunde egintza bakoitzean, bozketa bukatu eta gero, mahaiak botoen kontaketa eginen du.

Baliogabetzeko irizpide orokorrez gainera (fondo eta formakoak), batzordeak ereduren bat onartzen badu boto paperetarako, beste eredu batean ematen direnek ez dute baliorik izanen.

Botoak ekitaldi publikoan kontatu ondotik, mahaikide guztiek sinatu beharreko akta eginen da, honako datuok bildu beharko dituena: aurkezturiko hautagaien zerrenda eta bakoitzak lorturiko boto kopurua; Eskola Kontseiluko kide izateko aukeratuen zerrenda eta gerta daitezkeen postu hutsak betetzeko ordezkoen zerrenda, horietako bakoitzak lortu duen boto kopurua adierazita eta horren arabera ordenatuta. Hauteskunde mahai bakoitzak ikastetxeko Hauteskunde Batzordeari igorriko dio akta, hautetsien aldarrikapena egin dezan.

2. Bozketetan berdinketarik izanez gero, hauteskunde mahaiak eginen duen zozketaren bidez eginen da hautaketa. Hauteskunde Batzordeari igortzen zaion aktan horren berri emanen da.

3. Hauteskunde Batzordeak, mahaiek boto-kontaketa eta aktak egin ondotik, hautetsien aldarrikapena eginen du. Batzorde horren erabakien aurka gora jotzeko errekurtsoa jartzen ahalko da, Hezkuntzaren, Lanbide Heziketaren eta Unibertsitateen zuzendari nagusiari zuzendua, hilabeteko epean, jakinarazi edo argitaratu eta biharamunetik hasita.

4. Ikastetxeko zuzendariak, hauteskunde batzordeburua den aldetik, ebazpen honen eranskinetan ageri den ikastetxe mota bakoitzarendako ereduaren araberako akten kopiak igorri beharko ditu Hezkuntza Departamentuko Ikasketak Antolatzeko Atalera, sektore guztietako bozketak bukatu eta bi eskola eguneko epean.

IX.-Kide izendatuak.

1. Otsailaren 10eko 24/1997 Foru Dekretuaren 9. artikuluak dioen moduan, Eskola Kontseiluko kide izanen dira ikastetxea dagoen herriko udaleko zinegotzi edo ordezkari bat, bai eta legez eratuta dagoen eta kide gehien dituen guraso elkarteko aita edo ama ordezkari bat ere.

2. Hauteskunde Batzordeak ikastetxea kokatuta dagoen herriko udalari eskatuko dio Eskola Kontseiluko kide izateko zinegotzi edo ordezkari bat izenda dezala.

3. Herri eskola bateratuen kasuan, batasunak bere aplikazio eremuan hartzen dituen udalen artean akordiorik ez bada, biztanleen kopuruaren ordenari segituz -biztanle gehien duen herritik hasita- izendatuko dute udalek ikasturte bakoitzerako ordezkaria. Gainerako udalen ordezkariak ere ager daitezke Eskola Kontseilura, hizpidea dutela baina botorik ez.

4. Halaber, kide gehien dituen ikastetxeko guraso elkarteari ordezkari bat izendatzeko eskatuko zaio, eskola kontseiluko kide izateko. Horretarako, hautesle erroldak onesten diren egunean dituzten kide kopuruak zenbatuko dira.

Elkarte horren ordezkaritzarako proposamenik ez bada edo ikastetxean horrelako elkarterik ez bada, hutsune hori beteko du gurasoen sektoreko ordezkoen zerrendan lehenbiziko dagoen ez-hautetsiak.

5. Kide gehieneko guraso elkarteak izendatutako ordezkaria, unitate bat edo biko ikastetxeetako gurasoen ordezkaria eta udaleko zinegotzi edo ordezkaria bi urtetik behin berrituko dira, edo, lehenago, haiek izendatu zituen organoak erabakitzen duenean.

6. Guraso elkarteak bi urterako izendatuko du bere ordezkaria, baina horrek bere kargua epe hori igaro baino lehen uzten badu, guraso elkarteak beste ordezkari bat proposatuko du gelditzen den aldirako. Proposamen hori bi hilabeteko epean egin ezean, toki hutsa gurasoen sektoreko zerrendan lehena dagoen ordezkoak beteko du, Eskola Kontseiluaren zati baten berritzea egin arte.

X.-Eskola Kontseilua eratzea.

1. Hautetsien aldarrikapena egin eta ondoko sei egun naturaleko epean, zuzendariak Eskola Kontseilua eratzeko bilkurarako deia eginen du.

2. Eskola Kontseilua eraturik geldituko da nahiz eta ikastetxeko eskola komunitateko sektoreren batek -sektore horri egotzi dakizkiokeen arrazoiengatik- ordezkariak hautatu gabe izan.

XI.-Unitate kopurua aldatzeak ekartzen dituzten ondorioak.

Hauteskunde hauetan Eskola Kontseiluaren zati bat berritu behar duten ikastetxeek unitate kopuruan aldaketa izan baldin badute eta, horren ondorioz, Eskola Kontseiluaren osaeran ere aldaketa egin behar baldin badute, kasu bakoitzean berritu behar den erdia moldatuko dute dagokion osaera berriari egokitzeko, ikastetxeak duen ikasle kopuruaren arabera, otsailaren 10eko 24/1997 Foru Dekretuaren 10. artikuluak xedatzen duenari jarraikiz. Beste erdiari dagokion kide kopuruan ez da aldaketarik eginen.

XII.-Hezkuntza-arreta osagarriko langileak.

Hezkuntza bereziko berariazko ikastetxeetan eta hezkuntza bereziko unitateak dauzkatenetan hezkuntza-arreta osagarriko langileen (HAOL) ordezkari bat ere izanen da Eskola Kontseiluko kide.

XIII.-Prozesuaren bermea.

Ikastetxeetako Eskola Kontseiluak behar bezala eratu daitezen, behar diren neurriak hartuko dituzte Hezkuntza Antolamenduaren eta Berrikuntzaren Zerbitzuak, Hezkuntzako Ikuskapen Zerbitzuak, ikastetxeetako zuzendariek eta Hauteskunde Batzordeek; orobat, bermatuko dute kasuan kasuko prozesuetan eskola komunitateko sektore guztiek parte hartzen dutela, horretarako erraztasunak emanez.

Bigarrena

Ebazpen honen eta eranskinen kontra gora jotzeko errekurtsoa jartzen ahal da, Hezkuntzako kontseilariari zuzendua, hilabeteko epean, argitaratu eta biharamunetik hasita.

Hirugarrena

Ebazpen hau eta eranskinak Hezkuntza Antolamenduaren eta Berrikuntzaren Zerbitzura, Hezkuntzako Ikuskapen Zerbitzura eta Ikasketak Antolatzeko Atalera igortzea, behar diren ondorioak izan ditzaten.

Laugarrena

Ebazpen honek eta eranskinek Nafarroako Aldizkari Ofizialean argitaratu eta biharamunean hartuko dute indarra.

I. ERANSKINA. Eskola Kontseiluak hautatu, haien zati bat berritu edo sektoreak osatzea, Lehen Hezkuntzako, Haur eta Lehen Hezkuntzako eta Hezkuntza Bereziko ikastetxe publikoetan (2011-2012)

1.-IKASTETXEAREN IDENTIFIKAZIO DATUAK
Izena: ........................................................................................................................................................ Herria: ....................................................................................................................................................... Helbide elektronikoa: .................................................................................................................................	Telefonoa: .................................................................................. Faxa: .........................................................................................
[ ] Ikastetxea <= 2 unitate [ ] Ikastetxea > 2 eta < 6 unitate [ ] Ikastetxea > = 6 eta < 9 unitate [ ] Ikastetxea >= 9 unitate
[ ] Eremua DBHIrekin batera erabiltzen du [ ] DBH ematen du

2.-ESKOLA KONTSEILUA HAUTATZEKO MODUA
) Unitate bat edo bi dituen ikastetxea
[ ] * Kontseiluaren lehenbiziko hautaketa. [ ] * Kontseilua berritzea: (aita/ama 11, guraso elkarteak zuzenean izendatua). (1) Bi urtetik behin berritzen da.			* Sektoreak osatzea (aitaren/amaren hutsunea bete behar denean soilik bete): [ ] Gurasoen sektorea.
2. b) 2 unitate baino gehiago eta 6 baino gutxiago dituen ikastetxea
[ ] * Kontseiluaren lehenbiziko hautaketa. * Kontseiluaren zati bat berritzea: -DBH gabeko ikastetxea: [ ] 1. erdia (irakasle 1 eta aita/ama 1). [ ] 2. erdia (irakasle 1). -Ikastetxeak eremua DBHIrekin batera erabiltzen du edo DBH ematen du: [ ] 1. erdia (irakasle 1 eta DBHko ikasle 12). [ ] 2. erdia (irakasle 1). (2) DBHko 1. mailatik hasita. Bi urtetik behin berritzen da.			* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete): [ ] Irakasleen sektorea. [ ] Gurasoen sektorea. [ ] Ikasleen sektorea.
2. c) 6 unitate edo gehiago eta 9 baino gutxiago dituen ikastetxea
[ ] * Kontseiluaren lehenbiziko hautaketa. * Kontseiluaren zati bat berritzea: -DBH gabeko ikastetxea: [ ] 1. erdia (irakasle 1 eta aita/ama 1). [ ] 2. erdia (2 irakasle eta aita/ama 1). -Ikastetxeak eremua DBHIrekin batera erabiltzen du edo DBH ematen du: [ ] 1. erdia (irakasle 1 eta DBHko ikasle 12). [ ] 2. erdia (2 irakasle eta aita/ama 1). (2) DBHko 1. mailatik hasita. Bi urtetik behin berritzen da.			* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete): [ ] Irakasleen sektorea. [ ] Gurasoen sektorea. [ ] Ikasleen sektorea.
2. d) 9 unitate edo gehiago dituen ikastetxea
[ ] * Kontseiluaren lehenbiziko hautaketa. * Kontseiluaren zati bat berritzea: -DBH gabeko ikastetxea: [ ] 1. erdia (2 irakasle, 2 aita/ama eta HAOL 13). [ ] 2. erdia (3 irakasle, 2 aita/ama eta AZL 1). -Ikastetxeak eremua DBHIrekin batera erabiltzen du edo DBH ematen du: [ ] 1. erdia (2 irakasle, aita/ama 1 eta DBHko ikasle 12, HAOL 13). [ ] 2. erdia (3 irakasle, 2 aita/ama eta AZL 1). (2) DBHko 1. mailatik hasita. Bi urtetik behin berritzen da. (3) Hezkuntza bereziko berariazko ikastetxeetan eta hezkuntza bereziko unitateak dauzkatenetan.			* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete): [ ] Irakasleen sektorea. [ ] Gurasoen sektorea. [ ] Ikasleen sektorea. [ ] AZL sektorea.
3.-AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA (boto kopuruaren arabera ordenatua)
Irakasleak					Gurasoak
MOTA3	IZENA	BOTOAK			MOTA3	IZENA	BOTOAK
DBHko ikasleak (DBHko 1. mailatik hasita)					AZL / HAOL
MOTA3	IZENA	BOTOAK			MOTA3	IZENA	BOTOAK
(3) RE: berritu behar den erdirako hautatutako ordezkaria; CV: sektoreak osatzeko toki hutsa betetzen duen hautagaia; CS: ordezkoen zerrendarako hautagaia.

4.-HAUTESKUNDEETAKO PARTE HARTZEA ETA ORDEZKARI HAUTATUAK

Irakasleak

Gurasoak

Ikaslea DBH4

AZL

HAOL

Errolda osoa

Boto emaileak (kopurua eta %)

Erdi bakoitzerako aurten hautatutako izangaien kopurua

1. erdia

2. erdia

1. erdia

2. erdia

1. erdia

2. erdia

2. erdia

1. erdia

(4) Bi urtetik behin berritzen da.

5.-ESKOLA KONTSEILUAREN OSAERA BERRIA

) Eskola Kontseiluko kide ez-hautetsiak:

Kontseiluburua: ............................................................................................................................................................................................................................................... Ikasketaburua: ................................................................................................................................................................................................................................................. Idazkaria5: ........................................................................................................................................................................................................................................................ Kide gehieneko guraso elkartearen ordezkaria6 7: ........................................................................................................................................................................................... Udaleko zinegotzi edo ordezkaria6: ................................................................................................................................................................................................................. (5) >2 eta <6 unitateko ikastetxeetan irakasle batek eginen du idazkari lana. Unitate bat edo biko ikastetxeetan zuzendariak eginen du idazkari lana. Gainerako kasuetan ikastetxeko idazkaria arituko da Eskola Kontseiluko idazkari, hizpidea duela baina botorik ez. (6) Bi urtetik behin berritzen da. (7) Izendapenik izan ezean, gurasoen ordezkoen zerrendako lehenbiziko hautagaiak beteko du hutsunea.

5. b) Eskola Kontseiluko kide hautetsiak:

1. erdiko kideak

Irakasleak

Gurasoak edo tutoreak

HAOL

DBHko ikaslea8

2. erdiko kideak

Irakasleak

Gurasoak edo tutoreak

AZL

(8) Bi urtetik behin berritzen da.

6.-ORDEZKOEN ZERRENDA (boto kopuruaren arabera ordenatua)

Irakasleak

Gurasoak

DBHko ikasleak

AZL

HAOL

Hautagaiak

Botoak

Hautagaiak

Botoak

Hautagaiak

Botoak

Hautagaiak

Botoak

Hautagaiak

Botoak

7.-HAUTESKUNDE MAHAIAK

Irakasleak

Gurasoak edo tutoreak

DBHko ikasleak

Kideen sinadura Eguna:

Kideen sinadura Eguna:

Kideen sinadura Eguna:

....................(e)n, 20....(e)ko ....................... aren .........(e)an Ikastetxeko zuzendaria

II. ERANSKINA. Eskola Kontseiluak hautatu, haien zati bat berritu edo sektoreak osatzea, Helduen Oinarrizko Hezkuntzako ikastetxe publikoetan (2011-2012)
1.-IKASTETXEAREN IDENTIFIKAZIO DATUAK
Izena: ........................................................................................................................................................... Herria: .......................................................................................................................................................... Helb. elek.: ...................................................................................................................................................	Telefonoa: .............................................................................. Faxa: ......................................................................................
[ ] Ikastetxea > 2 eta < 6 unitate. [ ] Ikastetxea > 6 eta < 9 unitate. [ ] Ikastetxea <= 9 unitate.

2.-ESKOLA KONTSEILUA HAUTATZEKO MODUA
) 2 unitate baino gehiago eta 6 baino gutxiago dituen ikastetxea:
[ ] * Kontseiluaren lehenbiziko hautaketa. * Kontseiluaren zati bat berritzea: [ ] 1. erdia (irakasle 1 eta DBHko ikasle 1). [ ] 2. erdia (irakasle 1 eta DBHko ikasle 1).		* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete). [ ] Irakasleen sektorea. [ ] Ikasleen sektorea.
2. b) 6 unitate edo gehiago eta 9 baino gutxiago dituen ikastetxea:
[ ] * Kontseiluaren lehenbiziko hautaketa. * Kontseiluaren zati bat berritzea: [ ] 1. erdia (irakasle 1 eta DBHko ikasle 1). [ ] 2. erdia (2 irakasle eta 2 ikasle).		* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete). [ ] Irakasleen sektorea. [ ] Ikasleen sektorea.
2. c) 9 unitate edo gehiago dituen ikastetxea:
[ ] * Kontseiluaren lehenbiziko hautaketa. * Kontseiluaren zati bat berritzea: [ ] 1. erdia (2 irakasle eta 2 ikasle). [ ] 2. erdia (3 irakasle, 3 ikasle eta AZL 1).		* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete). [ ] Irakasleen sektorea. [ ] Ikasleen sektorea. [ ] AZL sektorea.
3.-AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA (boto kopuruaren arabera ordenatua)
Irakasleak					Ikasleak
MOTA1	IZENA		BOTOAK		MOTA1	IZENA	BOTOAK
Administrazioko eta zerbitzuetako langileak					(1) RE: Berritu behar den erdirako hautatutako ordezkaria. CV: Sektoreak osatzeko toki hutsa betetzen duen hautagaia. CS: Ordezkoen zerrendarako hautagaia.
MOTA1	IZENA		BOTOAK

4.-HAUTESKUNDEETAKO PARTE HARTZEA ETA ORDEZKARI HAUTATUAK
		Irakasleak		Ikasleak			AZL
Errolda osoa
Boto emaileak (kopurua eta %)
Erdi bakoitzerako aurten hautatutako hautagaien kopurua		1. erdia	2. erdia	1. erdia		2. erdia	2. erdia
5.-ESKOLA KONTSEILUAREN OSAERA BERRIA
) Eskola Kontseiluko kide ez-hautetsiak:
Lehendakaria: .................................................................................................................................................................................................................................................. Ikasketaburua: ................................................................................................................................................................................................................................................. Idazkaria2: ........................................................................................................................................................................................................................................................ Udaleko zinegotzi edo ordezkaria3: ................................................................................................................................................................................................................. (2) >2 eta <6 unitateko ikastetxeetan irakasle batek eginen du idazkari lana. Gainerako kasuetan ikastetxeko idazkaria arituko da Eskola Kontseiluko idazkari, hizpidea duela baina botorik ez. (3) Bi urtetik behin berritzen da.
5. b) Eskola Kontseiluko kide hautetsiak:
1. erdiko kideak:
Irakasleak	Ikasleak
2. erdiko kideak:
Irakasleak	Ikasleak				AZL

6.-ORDEZKOEN ZERRENDA (boto kopuruaren arabera ordenatua)
Irakasleak		Ikasleak			AZL
Hautagaiak	Botoak	Hautagaiak		Botoak	Hautagaiak		Botoak
7.-HAUTESKUNDE MAHAIAK
Irakasleak			Ikasleak
Kideen sinadura Eguna:			Kideen sinadura Eguna:
....................(e)n, 20....(e)ko ....................... aren .........(e)an Ikastetxeko zuzendaria

III. ERANSKINA Eskola Kontseiluak hautatu, haien zati bat berritu edo sektoreak osatzea, Helduei Euskara Irakasteko ikastetxe publikoetan (2011-2012)
1.-IKASTETXEAREN IDENTIFIKAZIO DATUAK
Izena: ........................................................................................................................................................... Herria: .......................................................................................................................................................... Helb. elek.: ...................................................................................................................................................	Telefonoa: ............................................................................... Faxa: ......................................................................................

2.-ESKOLA KONTSEILUA HAUTATZEKO MODUA
[ ] * Kontseiluaren lehenbiziko hautaketa. * Kontseiluaren zati bat berritzea: [ ] 1. erdia (irakasle 1 eta DBHko ikasle 1). [ ] 2. erdia (irakasle 1, ikasle 1 eta AZL 1).		* Sektoreak osatzea (berritu behar ez den erdiko hutsuneak bete behar direnean edo, hala egokituz gero, bietakoak direnean soilik bete). [ ] Irakasleen sektorea. [ ] Ikasleen sektorea. [ ] AZL sektorea.
3.-AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA (boto kopuruaren arabera ordenatua)
Irakasleak					Ikasleak
MOTA1	IZENA		BOTOAK		MOTA1	IZENA	BOTOAK
Administrazioko eta zerbitzuetako langileak					(1) RE: berritu behar den erdirako hautatutako ordezkaria. CV: sektoreak osatzeko toki hutsa betetzen duen hautagaia. CS: ordezkoen zerrendarako hautagaia.
MOTA1	IZENA		BOTOAK

4.-HAUTESKUNDEETAKO PARTE HARTZEA ETA ORDEZKARI HAUTATUAK
	Irakasleak			Ikasleak		AZL
Errolda osoa
Boto emaileak (kopurua eta %)
Erdi bakoitzerako aurten hautatutako izangaien kopurua	1. erdia	2. erdia		1. erdia	2. erdia	2. erdia
5.-ESKOLA KONTSEILUAREN OSAERA BERRIA
) Eskola Kontseiluko kide ez-hautetsiak:
Kontseiluburua: ............................................................................................................................................................................................................................................... Ikasketaburua: ................................................................................................................................................................................................................................................. Ikasketaburu albokoa2: .................................................................................................................................................................................................................................... Idazkaria2 3: ...................................................................................................................................................................................................................................................... Hezkuntza Departamentuaren ordezkaria4: .................................................................................................................................................................................................... (2) Hizpidea izanen du baina botorik ez. (3) Ikastetxeko idazkaria arituko da Eskola Kontseiluko idazkari. (4) Bi urtetik behin berritzen da.
5. b) Eskola Kontseiluko kide hautetsiak:
1. erdiko kideak:
Irakasleak			Ikasleak
2. erdiko kideak:
Irakasleak			Ikasleak						AZL

6.-ORDEZKOEN ZERRENDA (boto kopuruaren arabera ordenatua)
Irakasleak		Ikasleak			AZL
Hautagaiak	Botoak	Hautagaiak		Botoak	Hautagaiak		Botoak
7.-HAUTESKUNDE MAHAIAK
Irakasleak			Ikasleak
Kideen sinadura Eguna:			Kideen sinadura Eguna:
....................(e)n, 20....(e)ko ....................... aren .........(e)an Ikastetxeko zuzendaria

Jar zaitez gurekin harremanetan | Erabilerraztasuna | Lege abisua | Webaren mapa