Nekazaritza Politika Bateratu (NPG) berriaren negoziaketa eta nekazaritza- eta ingurumen-laguntzen luzapena izan dira Nafarroako Nekazaritza Kontseiluak landutako gaietariko bi. Itziar Gómez, Landa Garapeneko eta Ingurumeneko kontseilaria buru izan da gaur goizean egin den legegintzaldiko lehendabiziko bileran.

Zehazki, bileran Nafarroak etorkizuneko 2020-2027 NPGren gaurko negoziazio prozesuan izango duen posizionamendu politikoari buruz eztabaidatu da. NPG horrek eskubide historikoak desagertzearen edo diskriminazio positiboaren alde egiten du, familiako nekazaritza-ustiategietako profesionalen figurari emandako laguntzetan.

Bestalde, nekazaritzako eta ingurumeneko laguntzen onuradunek 2015ean hartutako konpromisoak amaitu ondoren, Sailak iragarri du bi urtez luzatuko dituela iraunkortasun ildoei, estepei, nekazaritza ekologikoari, desagertzeko arriskuan dauden arrazei, patataren laguntzei, Mediterraneoko nekazaritza-sistema jasangarriei eta muga naturalak dituzten eremuei (ZLN) eragiten dieten konpromiso horiek guztiak. Nekazaritza- eta abeltzaintza ustiategiei zuzendutako laguntzak dira, neurrietan hartutako ingurumen-konpromisoak konpentsatzeko, eta, beraz, sektorearentzat estrategikoak direnak.

Kontseilariak adierazi duenez, "organo aholku-emaile horren topaletak mantendu nahi ditu, Departamentuak sektoreko eragileekin hitz egiteko foro gisa".

Gainera, Gomezek Kontseiluari jakinarazi dio Departamentua Landa Garapen Iraunkorraren foru legearen aurreproiektu bat lantzen ari dela, 2030 Agendarekin bat datozen politikak, helburuak eta jarduerak jasoko dituen arau-esparru bat, landa-eremuen garapena bultzatzeko, ikuspegi sozioekonomikotik eta ingurumenaren ikuspegitik.

Nafarroako Nekazaritza Kontseilua foru gobernuak nekazaritza eta abeltzaintza sektoreko eragileekin duen elkarrizketa foroa da, etengabeko solasaldia bultzatzeko asmoz. 2017an sortu zen, eta Departamentuko, INTIA enpresa publikoko eta EHNE, UAGN, NNEKB, ALINAR eta Administrazioko erakundeek osatzen dute.