Aizarotz (Basaburua) inguruetan bilatzen zuten 75 urteko Tolosako bizilaguna zaurituta aurkitu dute, larriak ez diren polikonfusioekin, zirkulazio istripua izan ostean Gipuzkoan, Berastegi eta Tolosa artean dagoen erreten batean.

Bilaketa atzoko 23.20ak aldera hasi zen, desagertutako senideek Aizarotz inguruan perretxikoak biltzeko asmoarekin Tolosan duen etxea utzi zuela jakinarazi eta gero. Arratsalde erdian deitu zien beranduko zela esateko, mendian despistatu egin baitzen, baina itzultzen ari zela esanez. Etxera iritsi ez zenean SOS Nafarroak bilaketa dispositiboa hasi zuen. Bilaketan Cordovilla Parkeko suhiltzaileek, Salbamenduko Talde Teknikoko (GRT) suhiltzaileek, Altsasuko komisaldegiko eta Foruzaingoaren Ingurumeneko patruilek, Guardia Zibilek, Salbamenduko Txakurren Taldeko boluntarioek eta Nafarroako Gobernuko Basozaindegiko langileek parte hartu zuten.