Euskara erabiltzeko eta sustatzeko 2025eko laguntzak toki entitateentzat

2024ko urriaren 1etik 2025eko irailaren 30era bitartean euskararen erabilera eta sustapena bultzatzeko programak onesten eta garatzen dituzten toki entitateak.

• Bideratu den aurrekontua 915.000 eurokoa da.
• Tipologiak:
  • A mota: toki entitate eskatzailearen eskumeneko eremuan egindako programak. Mota honetarako aurrekontuko diru hornidura 275.000 eurokoa da.
  • B mota: zenbait toki entitatek batera eginiko programak. Mota honetarako aurrekontuko diru hornidura 440.000 eurokoa da.
  • C mota: herritarrei ematen zaizkien zerbitzuak hobetzea. Mota honetarako aurrekontuko diru hornidura 200.000 eurokoa da.

Eskabideak aurkezteko dokumentazioa:

• II. eranskina, jarduera programaren xehetasuna.
• III. eranskina, toki entitateko idazkaritzaren ziurtagiria, 9.3. puntuak esaten duen bezala.
• IV. eta V. eranskina, Mankomunitateko idazkaritzaren ziurtagiria eta teknikariaren oniritzia, euskara zerbitzuak eskaintzeko mankomunatua dagoen udal batek berariazko programazioa aurkezten duenean, 9.4. puntuak esaten duen bezala.

Dirulaguntzaren justifikaziorako dokumentuak:

• VI. eranskina, Idazkaritzaren ziurtagiria, 19.2. puntuan esaten den bezala.
• VII. eranskina, gastuen justifikazioaren xehetasuna kalkulu-orrian.
• Erabilitako baliabideen laginak, Nafarroako Gobernuaren laguntza aipatuko dutenak.
• Eranskina eta erabilitako baliabideen laginak, behin beteta daudenean, izapidetzean atxikitako dokumentu bezala aurkeztuko dira

11/2005 Foru Legea, azaroaren 9koa, dirulaguntzei buruzkoa (2005/11/14ko 136. NAO).
25/2012 Foru Dekretua, maiatzaren 23koa, udal eremuan euskara erabiltzeko eta sustatzeko laguntzak arautzen dituena (2012/05/31ko 103. NAO).